السلام عليكم شلونكم بنات انا عندي مشكلة واللي عندها الحل تعطيني اياه انا شعري وايد وايد يطيج وحيل خفيف اللي عندها خلطات او شامبو او عيادات تفيدني الله يخليكم
انا انصحج لا تستعملين الخلطات مو اي وحده تطيح عليها ترا اختي جربت خلطه والله دون مبالغه صارت قمت راسها تبين شعرها كله طاح صارلها سنه ولا في فايده روحي طبيب احسن
هلا اختي . . . ان كنتي والدة فبعد 3 شهور يبدأ تساقط الشعر بطريقة مرعبة !! سوي تحليل دم وان كان تحليلج اوكي . . . اخذي حبوب الحديد اللي لونهم اخضر في المستوصف روعة بصراحة . . . وهم بعد الشامبو لا تستخدمينه كل يوم واختاااري الشامبو الصحي . . .
الله يشفييييج يااا قلبي ...... بس ضرووووري تسوين تحاااليل عشااان تشوووفين شنو النقص اللي فيييييج يمكن يكووون عندج فقر دم لانه يسبب تساااقط بالشعر ..
اول شي حمدلله على سلامتج ويتربى بعزج اللي اسمعه من الحريم الكبار لمه اولد واولهم شعري يطيح يقولون عادي لان البيبي بدى يميز الام والله اعلم هذي حجي حريم الكبار ببس فعلا انا بعيالي الثلاث اسم عليهم كان يطيح بشكل مو طبيعي لدرجه البيت كله شعري طايح بالارض بس بعد عمر 8شهور يبدى ينبت لي شعر حتى اشوفه بقصتي صغير ويطول بعدين والله اعلم هذي اللي صار وياي
سلامتج حبيبتي شوفي انا اختي تسوي هالطريقه تروح لمستوصف الفحيحيل قسم الجلديه حتى بدون موعد بس تدش عالدكتور وتقوله انا توني والده وشعري بدا يطيح يكتبلها على شامبو وبس تستخدمه يبلش يوقف التساقط وفي طريقه بس الله يعينج الريحه يعني بس تسوينها بخور ورشوش عشان يغطي الريحه نقعي فصة ثوم مقطعه بزيت يفضل خليط املا وزيت الاس لمده ساعه تقريبا وحطي بشعرج لمدة ساعتين او نقعي 3 او 4 فصات ثوم مقطعه بقلاص ماي لمدة 4 ساعات تقريبا واعجني فيه حنا وحطيه بشعرج مره اسبوعيا وادعيلي شعرج راح يطول والفراغات بتتغطى بس مو تدعين علي اذا الريحه ماراحت
ههههههههههههه مشكوووووورة حبيبتي انا رحت المستشفى وعطوني شامبو وامبولات وبخاخ وقالوا لازم تستعملينهم 3 شهور وتوني مبلشة فيهم انشالله اشوف نتيجة حلوة ومشكوريييييييييين على ردودكم الحلوة
