ليش البعض منا صار مايستحي وماعنده دم ولاغيرة !

بسم الله الرحمن الرحيم

طبعا الموضوع مبين من عنوانه اللي اهو إن في فئة من الناس صارت ماتستحي ولا عندها دم ولا ذرة غيرة !!!؟ طبعا راح تقولون منو هالناس وهذا اللي راح أبينه تحت بالموضوع إن شاءالله .. وعلى فكرة هذا الموضوع اللي بكتبه مو بس بوجهة نظري آنا شخصيا لألألأ ! هذا الموضوع يأيدني فيه دينا الحنيف ومن ثم عادتنا وتقاليدنا الأصيلة اللي بدت تتلاشى من بعض الناس!!..
علشان لحد يزعل علينا !!!

موضوعي يتلخص ابـ 3 أسئلة مختارة ولو هناك في تساؤلات عديدة وكثيرة والرد عليها واللي على راسه بطحة يتحسسها







س1 : ليش صار البعض منا يشوف الغلط أو الخطأ (طبعا الغلط بكل أنواعه)ويسكت ويقول آنا شكوا وله رب بيحاسب اللي ارتكب الغلط !!!

ج1 : صحيح إن كل واحد بيغلط أو يخطأ بهالدنيا أكيد له رب بيحاسبه لكن الله سبحانه ماقال يابشر اذا شفتوا خطأ اتركوه او لاتعالجونه وحطوا روسكم بالرمل مثل النعام!!! يقول رسول الله صلى الله عليه وسلم ( من رأى منكم منكراً فليغيره بيده ، فإن لم يستطع فبلسانه ، فإن لم يستطع فبقلبه وذلك أضعف الإيمان ) . صدق رسول الله وماتدرون إن الساكت عن الحق شيطان أخرس !!:




س2 : ليش صار البعض منا دائما يتشكى ويتذمر وموعاجبته عيشته !! مع إن الله سبحانه منعم عليه سواء بصحة او مال او عيال ؟؟؟


ج2 : صحيح إن الحياة فيها المر لكن ماتخلوا من الحلو وفيها الشقا لكن ماتخلوا من السعادة !! وفوق كل هذا الله سبحانه أنعم علينا بالصحة والعافية والله سبحانه أمرنا بالشكر دائما وقال تعالى (وإذ تأذن ربكم لئن شكرتم لأزيدنكم ولئن كفرتم إن عذابي لشديد ) صدق الله العظيم ولاننسى إن القرآن الكريم يشرح الصدر بس للأسف صار البعض بعيد عنه !! قولوا الحمدالله يااابشرررررر لا ربي يخفس فيكم !!!




س3 : ليش صار البعض منا يحب بس نفسه ومايحب حق غيره الخير ويحقد على الناس وفيه مرض الغيبة والنميمة (الحش) ويتكلم بأعراض الناس وحسود ووالخ !!!؟؟؟

ج3 : صحيح إن أصابع ايدك مو سوى وصحيح إن الناس أجناس و فيها عيوب وموكاملة والكامل الله سبحانه وبالنسبة انك تحبين الخير للغير قال الرسول صلى الله عليه وسلم وبين لنا بالحديث الشريف وقال ( لا يؤمن أحدكم حتى يحب لأخيه ما يحب لنفسه) متفق عليه وبالنسبة للي يحبون الغيبة و النميمة الحش والتكلم بأعراض الناس !! قال الله سبحانه وتعالى عنهم (ولايغتب بعضكم بعضا ايحب احدكم ان ياكل لحم اخيه ميتا فكرهتموه و اتقوا الله ان الله تواب رحيم ) صدق الله العظيم وقال سبحانه باللي يتكلم بالأعراض{ إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة والله يعلم وأنتم لا تعلمون } صدق الله العظيمالصراحة يابنات الخير في تساؤلات كثيرة و (ليش) هم كثيرة لكن إخترت 3 أسئلة وبينتها بمعلوماتي المتواضعة جدا واختصرت إجابتها علشان لاأخلي الموضوع ممل أو طويل وسامحونيي على القصور .. والله يبعدكم عن اللي ذكرته ويوفقكم ويحفظكم ويرزقكم .. اللهم آميــــــــــــن
وبالختام السلام عليكم ورحمة الله وبركاته

مشكورة ع اثارة ال 3اسئلة واجاباتها فعلا الواحد يحمد ربه اذا متعافي وعياله بخير ومتعافين وينام آمن

فقد حاز الدنيا وما فيها

مشكورة اختي الغالية على الطرح التلقائي

صحيح كلامج للاسف ..وهم بعد اصابعج مو سوا

ويارب يجعلنا ممن يتبعون دينه وهداه
ويحمد ربه عالستر والعافية ويرضى بالقليل

والله كلامج صح 100% طبعااا مع الاسف000

الواحد شنو يبي غير انه بصحه وعافيه ويشوف عياله وبيته والناس اللي يحبهم بخير ؟

الحمدلله على العافيه بس00

ومشكوره اختي عالطرح الحلووو000

اللهم لك الحمد والشكر على كل نعمة أنعمت بها علينا

الله يعطيج العافية​

اي والله شنبي من هالدنيا ؟؟
ما نبي الا الستر ,,

الله يستر علينا دنيا واخره يارب ,,

جزاج الله خير ..

فعلا اختي هذا من ضعف الإيمان وبعد الناس عن الدين والعادات الطيبة وتسلمين يا قلبي

تسلمون على المرور

منـــــــورين ياقلبي