اسمها ميلوديكا .. بس أذكر إن كل الأبلات اللي مروا علي بإختلاف الجنسيات .. يسمونها موووو لووووو ديييييييي كااااااااااااااااااااااا ليش ؟؟ مادري حتى بت أضن إنها تنلفظ جذي صج المهم .. تذكرونها ؟ يا بووووووووي .. والله محد جاب لي الربو إلا هي أتوقع لو يسوون دراسة ألحين لمعرفة أسباب مرض الربو في الكويت راح تكون النتايج ما يلي شياب الكويت من مواليد الستينات و نازل فأتوقع الزقاير اللف و التتن شباب الكويت مواليد السبعينات و الثمانينات فسببها الرئيسي الموووو لوووو ديييي كااااا يا جعلها الماحي تنفخ تنفخ تنفخ لين ما تطلع عينك .. و لا يكون على كل ذاالنفخ يطلع صوت يسوي صوت رايح مبحوح ومن إزعاج الجهال بالصف ما ينسمع الكشخه اللي بالصف كانوا يجيبون نفس هذي اللي محطوطه في بوكس و فوطه و حركات اللي عادي زي حالاتي يجيبون هذي اللي محطوطه بجنطه بلاستك و تتسكر مادري كيف .. بس اذكر من ورى كان البلاستك أحمر عاد اللي أمه تحبه تجيب له أم هووز واللي أمه تجيب اللي جدام عينها زي أمي الله يحفظها تجيب لك من هذي يا بوووووووووووي هذي تعذيب عالأقل أم هوز تشوف وين تعزف .. تشوف وين تحط أصابعك .. عالأقل أم هوز تقعد و تحطها بحضنك و تعزف هذي لااا .. ما ينفع .. لازم وقافي .. إن قعدت طقت برجلك و طلعت من حلجك ماكو فايده .. ولا تشوف شي .. تعزف عالبركه .. ان نزلتها ما توصل اصابعك تحت .. و ان رفعتها سكرت على عينك طبعا اللحظه المرعبه .. اذا كان اللي جنبك ناسي المووو لووو ديييي كا حقته ياااا بووووووووووي و تقول لك الأبله .. عطه يجرب على مالتك ويـــــع .. من حلج لي حلج الحمدالله ما جاني ايدز لا ولا يكون اللي جنبك ما عنده أسنان .. و كلها سعابيل .. ويـــع .. أذكر أنا كل ما أحد استخدم مووو لووو ديكتي عطيته اياها كانت صديقتي أيام الإبتدائي بنيه سمره .. سمره بزياده شوي .. وايد سمره يعني كنت أخــاف منها بس بحصة الموسيقى .. ليش كانت حيل تندمج بالنفخ .. و تعطيني ملامح وجه تخليني سنه ما انام لا حول الله يا رب طبعا غالبا الأبله مصريه .. و تضبط البنات المصريات يقعدون أول شي عالكراسي و ياخذون الاوكرديون و الإكسلفون و الأورق حنا الكويتيات طيح الله حظنا تعطينا دف و مثلث ولا هذي حقة الرقاصات اللي فيها سير و تمسكه بالايدين و تطقطق .. نسيت إسمها و أمتن وحده بالصف تعطيها الطبل و المفهين يصفقون .. عاد على مزاج الأبله .. مره بصبعين .. مره ثلاث أصابع كيفها أبله أستغفر الله يا رب والله تأثير حصص الموسيقى على نفسيتي أكثر من تأثير الغزو أنا أطالب وزارة التربية بتعويض نفسي عن إثنعش سنه دراسية تحت بند بدل مسخــرة
ههههههههههههههههههه ههههههههههههههههه حسبي الله على ابليسج موتيني من الضحك ونفضتي غبار السنين اللي طافت الحمدلله ما كنت احضر حصص الموسيقى دايما تذكرين الكلام اللي نقوله مع الصفقه ام اصبعين ((تاا فاا تي في تاا) (تاا فاا تي في تاا) والله اياااام
هههههههههههههههههههه والله موتيني ضحك وخصوصا سالفت السمرا هههههههههههه حبيبتي مشكوره على الموضوع الحلو نفس صاحبته وانا مالحقت على الموسيقى مع اني من مواليد 87
اي والله كييييكة ...من وين جبتي هالذكريات مت من الضحك ..والله كانج قاعدة معاي بنفس الصف كل اللي قلتيه اذكره...خصوصا اني انا كنت من اللي يقولون هاهاهاهاااا يعني الكورال... خخخخخخخخخخخخ كنت اطالع اللي يعزفون الاوكرديون واتحسر ..ودي اعزف ..لكن من يخليني..؟؟ مالي امل.. كنت لما تخلص لحصة ..اسوي روحي ناسية شي بالصف عشان اظل بروحي واقعد المس عالالات تمليس اخاف اعزف يطلع صوتهم وتطقني الابلة فديييتج كييييييييييكة انتي تهبلين
ههههههههههههههههههههههههههههههه ههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه
هههههههههههههههههههههههه حسبي الله على عدوش من اي اي مكان جبتيها هذي الله ياخذها سببتلي ازمه هالاله كش والله لاعزفت عليها تنبط طبله اذوني من كثر الاندماج بس امي ماكانت تشتريها لي تقول حرام هههههههههههههه والله صادقه والله كانت ايام ياحلوها لبا عينش كيكه ذكرتينا في مامضى
واااااااااااااااااااي انا ابي الصورة من وين امطلعتها هههههههههه انا كانت عندي نفسها بس من غير الهوز... اذكر وحدة من رفيجاتي الله يذكرها بالخير قالتلها الابلة عزفي...ورايحة اتعزف وتنفخ وتنفخ وتنفخ مسكينه لين اطلعت سناسينها هههههههههههههههههههههههههههههه والله هالموقف جنا امس اذكر كل شي ايااااااااااااااااااام اتمنى ترد مشكورة على الموضوع الراااااااااااائع يدا يدا
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه كنت امسك الطار قبل اموووووت عليه :$
هههههههههههههههههههههههههههههههههه هههههههههههههههههههههههههههههههههه هههههههههههههههههههههههههههههههههه والله موتيني من الضحك الله يوسع صدرج وسعتي صدري والله هههههههههههههه
