السلام عليكم ورحمه الله وبركاته مرحبا خواتي انا من السعوديه ابي اقولكم عن بنات من جماعتنا سعوديات متزوجات كويتين كل وحده فيهم من تتزوج وتاخذ فتره بالكويت وتجي زياره عندنا نلاحظ شعرها اللي قبل قصير ومنتف تغير وطااااال بسرعه وفيه لمعه غريبه ونعووووومه واسوووود كلهن نفس السر اللي ماعلمن فيه احد بس يقولون انهن دايما يستخدمن زي الحنا على شعورهن ومنتظمات عليه ماندري هو حنا او خلطه اعشاب بس كلهن لون شعرهن اسوووووود قبل ماكان كذا واكيد مو حنا والا كان صبغ وتغير لون الشعر والغريب انه بسرعه طالت شعورهن وحده نص الفخذ وصل شعرها كلنا مستغربين (شنو هالسر اللي بالكويت ويطول الشعر بسرعه) امااااانه اللي تعرف خلطه اعشاب زي الحنا تعطي نفس النتائج اللي قلت لكم عنها ومجربه اكيد يااااااليت تفيدني وربي ادعيلها بكل صلاه .
حبيبتي اكيد بيفرق اولا عندكم الماي ماي مالح لانه مو مصفي فيخرب الشعر والجسم اما بالكويت ماي مصفي وحلو زين للشعر والجسم والحمد لله واكيد انهم حاطين حنة الاعشاب تهبل وتلون اللون اللي تبينة معروووووووفة عندنا تاجرات يبيعونها
حبيبتي هذا الحنه الاسود التمليس انا لما حطيتها خلا شعري **ده وطال فجأه وكل بناتنا استخدموه كأن الشعر باروكه بس عقب كم سنه حرق شعورنا وطاح ولما وديت الحنه لمختبر قالو فيه مسلك بواليع عشان جذي شعرنا مسبسب واملس وطويل
يعطيكن العافيه كلكن على المرور الطيب ويااختي غرام القمه بغيت اسالك حنه الاعشاب اللي تقولين مخصصه لتطويل الشعر والابس تنعيم هم شعورهم ناعمه من قبل هذا شي بس طول شعورهم وبعدين لو ان السبب ماي الكويت كان مااستخدمن اللي زي الحنا يحطونه وليه بعد ماي الكويت ماطول شعور الكويتيات كلهن . ومشكوره اختيkim على الافاده والتنبيه.
مشكوورة اختى للافادة بس حبيت للتوضيح بنات الكويت اختى مايه مكرر وطويل تقولين ليش ماطول شعر بنات الكويت كلهم انتى ماشفتى بعينج علشان تحكمين ياقلبى .......الله لايغير عليناااا يارب بكل شى يااااااااااااااارب
هلا حبيبتي العنايه اهي الي تجيب نتيجه وعندنا بالكويت صالونات متخصصه بهالشي وتشوفين الفرق من الجلسات تبين شعرج يطول عليج بالحنا واذا لونهم اسود انا اقولج اسمه (كتم) وانا مااحطه عشان تعبانه ممنوع علي وروحي العطار عندكم وقولي ابي كتم للشعر يسود لونه ويعطيه لمعه تجنن هذا اهو السر ولاتنسيني بالدعاء بالشفاء
حبيبتي ماي الكويت ماثر فينا ومزين شعر الخدامات كلنا نقول جذي وبعدين الوحده لما تتزوج هي ونصيبها في ازواج يطول الشعر عليهم وفي ازواج ينحت الشعر عليهم وهذي سالفة جدتي تقول اسالي زوجج او يوم بالعرس انت حشاش او رواي اذا قالج حشاش يعني شعرج بينحش وماراح يكون احلا اما اذا قال انا رواي راح يروى شعرج وبشرتج وتصيرين صحيه وهذي سوالف الجدات الكبار اللي فيهم سر بداوه اسألي جدتج وتعلمج لاماي ولا شي كل وحده ونفس زوجها عليها الله يوفقكم ويطول شعوركم بالعافيه يارب
حبيبتي فيه عشبة الاس نفس الحنا وتخلي الشعر يصير اسود ويقولون انها تطول الشعر تلقينها عند العطار نفس الحنا
كان ودي افيدك اختي بس ان شاء الله الاخوات ما يقصرون بس انا سامعه عن خلطه بالسعودية اسمها حنا ام الياس تنعم الشعر وتخليه حرير وتقول ان مواد الحناء كلها طبيعيه
