الله يجزااااااااج خير على النصيحة والتنبية جربت خلطتها للجسم قبل شهرين ماسوت لى شى كللللللللش بس خساير على الفاضى
مشكوره حياتي وماتقصرين والله يكثر من امثالج والله بيكون بميزان حسناتج مشكووووووووووووووووووووووووووووووووووووووره
تصدقين ام التوااائم . . . اسم صيدلانية بيكون له له رنة وشنة وعبالها ان شغلها مضمون وبمشي على العالم !! ومشكورة مرة ثانية على موضوعج القيم . . . وجزاكِ الله كل خير
حمدي ربج يا عمري انها ما فادتج ولا انها خربت بشرتج لان هالتركيبه اذا نقطعتي عنهاقلبت بشرتج وخربتها لان فيها كورتيزون وزئبق
يا بعد عمري الدنيا بخير دام انتي وغيرج من اللي يخافون الله فيها وانا ما سويت شي اكيد اي وحده منكم تشوف الغلط منكم ما تسكت وانا كثير استفدت من نصايحكم الله يجزاكم الجنه
الله يكون بعونكم وبعون كل من تضرر من كل واحد ما يخاف الله اهم شي الحمدلله العافيه حلوه لا تتحسفين عالفلوس اهم شي انتي يا قلبي
اولا اشكرج يا اختي ام عبدالله على التثبيت وهذا يدل على خوفج على مصلحة البنات وانج فعلا تستحقين تكونين مراقبه ثاني شي والله انج صاجه التستر باسم صيدلانيه او طبيبه او عالمه او خبيره ما هو الا ضحك عالذقون بس الله ما راح يخلي اي واحد يستربح بمضرة الناس والدنيا فانيه واشكرج مره ثانيه عالتثبيت وشكرا
جزاج الله خير يا أم التوائم عالتنبيه ويشهد الله علي لمن نزلت الموضوع عن الخلطه مو قصدي دعايه ولا شي أنا قريت موضوع حق عضوه إسمها دلالي من زوجي إسم الموضوع بياض جارتي المفاجيء وقريت الموضوع وسويت بحث بقوقل وطلعت رقم الصيدلانيه وطلبت منها الخلطه وانبهرت من النتيجه ومثل ما أبي الزين لنفسي أبيه لخواتي ونزلت الموضوع هذا كل اللي صار لا دعايه ولا شي وشنو مصلحتي وأنا مو طبعي أسوي دعايات بالمنتدى لأن أخاف الله وأنا الحمدلله معروفه بالمنتدى وماعندي سوالف الكذب والنصب هذا يا أم التوائم كل ما بالموضوع
هلا اختي ام الحلوات انا متااابعة موضوعج وموضوع دلالي من زوجي . . . وادري انه مو دعاااية . . . واختنا ام التوائم ما قصرت حللت الخلطة وان فيها كرتزون وهذا اهو سبب التفتيح السريع . . . واحنا اول وتااالي خوااات واي شي فيه الفااايدة نقوله لبعض وهمن اللي ما منه فااايدة نبلغ بعض
يعطيج العافيه حبيبتي ماقصرتي الكريمات اساسا كلها خطيره بس بغيت استفسر عن - دمار خلايا الجهاز العصبي - شنو اعراضه ؟؟
