تحتفل دولة الكويت الحبيبه باليوبيل الذهبي السنه القادمه (٥٠ عام على الإستقلال و ٢٠ عام على التحرير) حيث ستستقبل الدوله رؤساء دول مختلفه في هذه المناسبه و مسؤولين رفيعي المستوى من مختلف دول العالم و من المقرر ان تكون احتفالات العيد القادم غير عن السنوات السابقه تماشياً مع هذا الحدث ، و جاري العمل على تنفيذ مهرجان و احتفال ضخم في قصر بيان و استاد جابر الدولي و كما تم تشكيل لجان وزاريه لتزيين المباني الرسميه و من المتوقع ان تكون الكويت في هذا الاحتفال الراقي درة بيضاء و ستكون الاحتفالات لمدة شهر كامل (بدون رغوه) طبعاً و عسى الله يديم الافراح في ديارنا على طول والله لا يغير علينا يارب
الله يديم نعمة الامن والامااان والاستقرار يااارب على الكويت وعلى شعبها . . . كنت اتمنى الكويت غاليتنا تنافس دول الخليج وترد درة الخليج استاد جابر الدولي كراسيه بلاستك من الشمس تتكسر بسرعة حسبي الله بس على سراق المال العااام ادري مشاركتي داشه عرض في محتواها لكن يألمني الحال اللي وصلنا له . . .
والله ما ألومج يا ام عبدالله في شغلات نشوفها تعور القلب والله بس شنسوي ما بيدنا شي الا الدعء نورتي حبيبتي
عمار ياكويت...ماشاءالله 50 سنة والله اتذكر العيد ال 25 لما كانت اغنية عروسة والعمر 25 عشرين... ويارب تدوم الافراح والامن والامان وصج ودنا هالسنة غير اهم شي بدون رغوة وبدون "هز ارداف بالمسيرات" لان هذا بيكون واجهة للكويت كلها عاد تدرين هالسنة بالذات بيعطون بس يوم واحد عطلة؟؟؟ مع ان المفروض ناخذ اسبوع<<<<< ميتة عالعطل فديتج كيكة مشكورة عالمواضيع الحلوة
العفو ياقلبي من صجج العطله بس يوم؟؟؟؟؟؟؟؟حساااااااافه ليش عاد تدرين اللي كانت تغني اغنية عروسه والعمر بنت عمتي
صج والله كيييكة ..ياحليلها ...عاد انا اموت بشي اسمه قديم .. العيد الوطني بيكون يوم الجمعه 25 فبراير والسبت 26 فبراير..يعني اساسا عطلة والحكومة بتعطي بس الاحد بدل الجمعه... المفروض والله بهالمناسبة يعطون الاسبوع كله وخلاص انا مو قصدي اني ارتاح من المدارس ولا عشان نبي نطلع البر ولا عشان نبي نشبع نوم ..لا لا لا تفهموني غلط انا كل قصدي ان العطلة تكون حقانية بس..<<<<<<<<< احلفي بس؟؟
الله يديم علينا الامن والامان ويعيد علينا هالاحتفالات ويبعد علينا عيون الحاسدين يارب ومشكوره حياتي على الموضوع
