مساء الخير لاحلى منتدى حبايبي ابي رايكم في لبسي عندي جاكت فخم ساده مو شتوي يعني يتلبس دايم وابغى اطقم عليه شي مره حلو خارج عن المالوف يعني مابغى البس عليه تنوره قصيره ولا بنطلون عشان اكون رسميه ابغى فكره تغير طريقة اللوك ايش ممكن البس عليه حتى لوكانت عندكم فكره وتكون رسميه بس غريبه ياليت تقولو فاهمين قصدي حتى لو تساعدوني بالاكسسواريز مافي مشكله
حطي عليه بروش فخم يلمع يكون فيه شوارفسكي أو احجار أو البسي سلاسل واجد داخله مع بعض اللي تجي طوال و قصار و لافه على الرقبه و ألوانها تكون غير عن الجاكيت عشان تكسرين لونه و البسي من تحت تنوره ضيقه تحت الركبه > تكون ضيقه لازقه ع الجسم و نفس لون الجاكيت و البسي جي جي شفاف و كعب فخم
هلا اختي . . . أنا أميل إلى إنج تلبسين تحته قميص حرير لون قوي :فوشي - ليموني وتلبسين وياه اكسسواريز مثل هذا اللي يكون عريض من تحت : أو إنج تلبسين تحته قميص دانتيل راقي . . . مع بنطلون أو تلبسين نمونة هالقمصااان انا تعجبني طريقة هالقمصاان : وتحطين بروش حلووو ع الجاكيت ان لبستي هالقميص وشوفي هالصور يمكن تطلع لج فكرة منهم : أو فوق فستاااان حرير واااسع + حزااام نااعم . . .
