لاحول ولا قوه ألا بالله .... الله يرحمها .. ماعاد في رحمه بقلوب البشر ... رب هالخلق فيه رحمه على خلقه عظيييمه ... واحنا يالبشر الرحمه منزووووعه من قلوبنا .. استغفر الله العظيم ... هذا واحد الرحمه منزوعه من جوووفه ومريض نفسي ومختل عقلي حسبي الله عليه .. بس صدقوني يمكن أسيوي أو وااافد فعل فيها جذي او يمكن ولد ديرتها
حبيبتي تقولين الله امر بالستر كلمي جرايدنا العزيزه قوليلها خل تسكت وبعدين السالفه معروفه مافي داعي نجمل الامور اهي الله يرحمها انا مالي شغل فيها ذنوبها وحسناتها لها واالواحد مايقول الا ياالله حسن الخاتمه وبعدين لو انها فنانه الي صاير فيها جذي جان العموم تكلم وكتب اشاعات بس لانها بنت عاديه قلتوا الله امر بالستر ليش الفنانات لانهم مشهورين حق عام عادي تتكلمون فيهم اما الباجي مدنيين عاديين مالكم حق تتحجون حياتهم الخاصه لهم بكيفهم طلعتوا الريال مينون وتحسبتوا عليه ومادري شنو بس اهي حرام الله امر بالستر اهو غلط ذبحها انا لو منه ادق على اخوانها اقولهم مكانها ويشوفونها اهم يذبحونها ليش انا اتعب نفسي واخذ اثم وانسجن بعد ادري الحين بتقولون عني اكيد تعرف الريال ومادري شنو لايبا بس الواحد قبل لايكتب شي صج يتاكد ويحط الحقائق كامله سواءا هالشي عجبنا او لا موضوع مشكوك بأمره وماتعرفون خيوطه كامله انصاص اخبار لحد يكتب عشان لانكتب الصج ويقال عنا خافي ربج ومعرف ايش واذا الي تعرفينها انذبحت من ريلها الله يرحمها مثواها الجنه انشاالله بس اصابع ايدج مو سوا موكل مره سنعه ومو كل ريال مينون وشكاك
اولا ياعمري دعي الخلق للخالق ثانيا انا ما عممت ولا حطيت الغلط على احد الله العالم بكل شي بس احنا متعاطفين معاها لان ماتت موته شنيعه وتعرضت للضرب بالساطور على راسها وتعرضت للترويع حتى لو انها اغلطت مايذبحها بهالطريقه بسيف على راسها وين قاعدين بغابه وين الرحمه تخيلي شعورها لما اقبل عليها ماسك السيف والمها لما ضربها براسها لاحول ولا قوة الا بالله انا ادافع عنها لانها ماتت وراحت لربها وهو عايش حي يرزق ليش ينحاش دام انه على حق من وجهة نظرش ,,,,,,,,,,,,,,,,,,,,,,,,انا مو ضده الله العالم بحالته بس ما اقول الا اللهم لا تسلط علينا من لايخافك ولا يرحمنا عالم قلوبها اقسى من الحجر مو كافي اللي تعرضت له المسكينه من قتل وترويع وخوف الحين وهي ميته بعد قاعدين تطعنون فيها وبشرفها لاحول ولاقوة الا بالله ووالله انا نصحتش وانتي بكيفش بس صدقيني مو لصالحش تتكلمين باعراض الناس سوا مشهورين والا لا نفس الشي منو قالش انهم غير لا نفس الشي حتى الفنانيين ارواح بشر مايصير نستبيح حرمة الميت مهما كان :angel_smile: وبسسسسسسسسسس الله يجواش خير
حسبى الله ونعم الوكيل..الله يرحمها ويغفرلها ويصبر اهلها......يارب احسن ختامنا وابعد عنا شرور خلقك اجمعين
الحين مثلا بتقنعيني ان البنت لو ما ماتت طقها وما ماتت وطلع كلامي صح ماراح تكتبون الي صار امبلا وكل بنت بتدش وتقول يزاها واقل من يزاها بس لانها ماتت لازم تكسر خاطرنا لا حبيبتي انا مااغير احساسي بمجرد موت او حيا عندها عيال خل تجابلهم مو تروح هالاماكن استغفر الله بس
ردش فيه قسوة شديده منو انتي؟؟؟؟ عشان تحكمين على البشر اذا الله تعالى الكامل في كل صفاته يعفو ويرحم ليش احنا البشر المليئين بالعيوب وبالنقصان ما نعفو ونرحم بعدين الله تعالى هو خالقها وهو اللي يرحمها او يعذبها وانتي بتقنعيني انتي ماعندش ذنوب وخطايا ماتترجين رحمة الله في الدنيا والاخره ماتترجين ربي يهديش ويتقبل توبتش مستحيل ماكو انسان في الدنيا معصوم من الغلط اشم في ردش نوع من الشماته عيب عيب الا الميت لاتتشمتين فيه اذا الحي مايجوز نتشمت فيه شلون عاد الميت قال رسول الله صلى الله عليه وسلم.....لاتظهر الشماته لاخيك فيرحمه الله ويبتليك............. :angel_smile:اللهم لاتسلط علينا من لا يخافك ولا يرحمنا اللهم ارحمنا برحمتك من ألسنة الناس اللي ماترحم حتى الميتين اللهم اني اعوذبك من قلب لايخشع ومن عين لاتدمع ومن دعوة لايستجاب لها اللهم اني اعوذبك من قسوة القلب وعدم الرحمة الله يهديش
انا لله وانا اليهراجعون ......................الله يرحمها ويغفر لها ويتجاوز عنها ويكشفون الظالم عديم الرحمة ...................حسبي الله عليه وعلى امثاله................يبنات ادعولها بالرحمة ...........الله يصبر اهلهاعلى هالمصاب الاليم
الحين من هالكلمتين الي قلتهم عرفتني اني قاسيه وشميتي بكلامي الشماته استغفر الله بس حبيبتي يمكن انا قلبي من اطيب القلوب الي عرفتيها وبتعرفينها بحياتج لي 10 سنين جدام وكلامج فيه وايد غلط علي وراجعيه وتعلمي انا ماقلت شي حطوا الحقائق كامله والا لا تحطون شي واقري المواضيع والتحقيقات بالجرايد متعرفين السالفه كلها وعن ذنوبي الله العالم فيها والله عالم يسامحني عليها والا لا بس الي اعرفه ان ذنوبي مااستاهل القتل عليها الحمدالله انا انسانه مسميه ومصليه ومعتمره مااعتقد بخرب على نفسي واسوي ذنوب كبيره صغائر الذنوب ربي يسامحني عليها وحاليا انا ماراح ارد على اي رد منج لانج انسانه ماتعرفين ان اختلاف الراي لايفسد للود قضيه والله يهدي الجميع انشاالله (للعلم عدم الرد لاتعتبرينه قضيه خسرانه لا بس الانسان الشاطر يعرف متى يسحب نفسه واهو ربحان)
لا حول ولاقوة الا بالله ربي يغفر لها ويرحم حال عيالها شنو بيكون مصيرهم؟الابو قتل الام؟ الله يسامحها ويفغر لها
