بشوره ...........كيفك يا قمر ؟!!! ان شاء الله تكونى زينه حبيت اسألك تعرفى مكان او احد بيعطى دوره ميك اب ... مو شئ كبير ... الاساسيات يعنى ؟!!!!
السلام عليكم حبيبتي تكلمتي عن السمنه او الدهن العدان العماني يليت تذكريلي من اي منطقه من هناك لاني الحمدلله اقدر احصله لي معارف هناك فاذا ممكن تقوليلي من وين بالضبط وشنو اسمه واذا ناسيه سالي احد يعرف من صوبج ضروري تعلميني حبيبتي
هلاااا قلبي :smile: و الرتن اي ماحبه ولا احب استخدمه بالمره لان يقشر حييييييل ويبله دقه بشكل موطبيعي ويتعب نفسيا" >> عن تجربتي والله .. اذا حابه اقولج الطريقه ابشري يا قلبي :smile:
هلا قلبي هذا كلام البنت نكها بنت السلطان وهي عمانيه .. الرسالة الأصلية كتبت بواسطة بنت-السلطان حبيبتي حابة اساعدج بطريقة سهلة وبنفس الوقت مب مكلفة,, مثل مابين من توقيعي انا من عمان ,, بس بالجامعة عندنا بنات من محاظفة معينة معروفات من اولهم لتاليهم بالبياض والصفاء والجمال ,, بياضهم قشطة وصفائهم حرير ونعومة ماتتصورين واذا نظرتي لريايلهم حنطاوين وعادين بس حريمهم غير وهالمنطقة او المحافظة اهي ( صلالة ) ,, يعني انا اشوف بناتهم بيض ولي سألتيهم كلهم يقولون شغلة وحده ,, نشرب سمن الغنم ,, او دهن الغنم ,, مادري انتوا ستشمونه بالكويت وهو شكلة شفاف يميل للبياض يشربونه مع حليب ساخن صحيح اهو يلوع الجبد وتبين ترجعين من تشربينة بس مفعولة مفعول العجب ,, اعرف وحده معاي بالجامعة سمرة وكنت اضحك عليها اقول لها انتي محسوبة غلط على اهل صلالة فقالت لي ماعليجبشهر اقدر اصير بيضة وقلت لها شلون جان تقولي ( سمن الغنم ) قلت لها اهووووو ذبحتنونا بهالدهن ماتخافين من الكرسترول ,, جان تقول معروف سمن الغنم من اجداد اجدانا نشربه وماعليهم شر وشوفي عيزنا بياضهم قشطة وبشرتهم صافية مو مثل اي عيايز باي ديرة ثانية والحق يقال عندها حق نفسي اشوف عيوز عندهم فيها نسبة تجاعيد عالية بحكم الكبر عندهم تجاعيد بس خفيفه مقارنه باللي في اعمارهم عموما ماعلينا نرد لمحور الحديث هالبنت اصدقت يوم قالت بشهر بقدر اتغير ,, كان عرسها السنة اللي طافت وجيت لها متنعنية من مسقط بطيران داخلي ولما شفتها جاتني صدمة البنت قشطة ونعومة ,,, قلت لها شمسويه بروحج جان تقول لي سمن الغنم :smile: هذي صورته هذا الكلاام منقول من بنت السلطان سمن الغنم اهو ياقلبي ( أويل ) oil يعني زيت عادي شفاف سائل يستخرج من الأغنام وويعتبر اخف انواع الزيوت ويدخل في علاج الامراض الجلدية الكثيرة وله قدرة على التفتيح ( التبيض )بطريقة عجيبة حسب اللي شفتة بعينة والدكتور عبدالباسط خبير الاعشاب مرة اجى صلالة وقال انتم عندكم ثروة طبيعية من الاعشاب والادوية الطبيعية وذكر منها سمن الغنم لان بحكم طبيعة صلالة الخضراء فالاغنام هناك لا تتغذى ع الاعلاف مثل باقي الدول وانما ترعي في الجبال الخضراء الموجوده بصلالة ويستخرج منها اجود انواع الزيوت ع الاطلاق مثل ماقلت لج بس يدخل في علاج كثير من الامراض ,, وعلى فكرة اهو الزيت الوحيد اللي مايمتن واسأئلي كل مجربينة ( الكل اجمع انه مايمتن ) وانه لانه اخف انواع الزيوت ع الاطلاق موجود بصلاله .. هالطريقة مشهورة جدا جدا بصلالة ومتوارثينها من اجداد اجداهم وهالطريقة اشتهرت وايد حتى في دول الخليج وخاصة السعودية ,, وسوي بجوجل بحث واكتبي ( سمن الغنم ) وشوفي شاللي رايح يطلع لج :smile: اما ترجمة الاشياء ,, اهي اساسا مالها ترجمه هذي مسمياتهم بصلالة وماعرف لها مسميات ثانية ولو تعرفين احد من صلالة يمكن يوفرها لج فديتج اتمنى اكون افدتج :smile:
بشـــــــــــــــــــــــــــــــــــــــــــوره... و الله و حشتينى .... كنت ابى اسالك على الخلطه الصابونيه ... و لاقيت الاجابه قبل ما اسال :wink_smile: انا استخدمتها و الله و دعييييييييييييييييييييييييييييييييييييتلك الله يحميكى و يحرسك ... بس جسمى نااااااااااااااااااااااااااااااااشف اوى اوى :emoticon_U: مين وين اجيب لوشن الفيتاميت سى ؟؟!!!
مشكوره بشوره واستفدنا منج وايد وبسئلج بخصوص ابر الجلوتاثيوم وفيتامين سي متى بينت النتيجه معاج يعني بعد كم ابره حسيتي تفتحت بشرتج واستمر معاج التفتيح على طول والا فتره بس وفرق كثير معاج يعني التفتيح وايد ملاحظ والا تفتيح خفيف؟ واعذرني على الازعاج حبي
هلا قلبي ؤمشكؤره على الدعؤه الحلؤه لج بالمثل يالغاليه :smile: ؤلؤشن الفيتامين سي تلقينه عند الحؤاج ( العطار ) يا قلبي
هلا قلبي بينت النتيجه بنهاية الشهر الثاني ؤاستمر التفتيح معاي الحمدالله ؤمن ناحية فرق اي ؤالله فرق حييييييل ؤالكل لاحظ علي الحمدالله ؤاي استفسار يا قلبي عيؤني لج
اولا احب اني اشكرك والله انج متميزة والله يجزاج الف خير ويوفقج دينا واخره ان شاء الله بس بغيت اسالج عن حبوب التبيض لها اضرار على الكلي وانا بنفسي اصير بيضه ولوني موحد او الميجي الياباني احسن وانا سمعت ان الميجي الياباني يوحد لون وشكرا
السلام عليكم اختي بشورة عندي جم سؤال وياليت تحمليني وجاوبين عليهم . بقيت أسألج عن مرهم البانثينول لتشققات الحمل ؟ وهل جربتيه وشفتي نتيجه مرضيه ومتى بينت النتيجه وكم المده ؟ وياليت تحطيلي صورته لأنه فيه أكثر من نوع ؟ وبالنسبه للمنطقه الحساسه شنو أحسن كريم طبي لتفتيحها ؟ مع الصورة ؟ وآسفه على الاطاله وشكرا مقدما .
