السلام عليكم ورحمه الله وبركاته اخواتي الفاضلات انا شفت عند وحده منقله حقت الجمر لكنها عباره عن طاوله لها ارجل بعجلات وفيها نقش جميل ولها ارجل وتندف يعني زي طاولات التقديم حق الشاي اللي لها عجلات وتتنقل بس هي منقله جمر بطاوله وعجلات ورفيعه منها فضي ومنها ذهبي كلها نقش جميل من نفس اللون. اللي شفتها عندها جايبتها من الكويت بس مو راضيه تعلمني من وين جابتها وقالت لي تبيعها بسعر خيالي 1200 ريال ممكن يا بنات تدلوني وين القاها وجزاكم الله خير
اختي انا عارفه الي تبينها يمكن هي الي تقصدينها عندي الجريده بالبيت بس انا نايمه بالبر وارجع يوم الاحد بس ارجع البيت راح انزلج الصوره وشوفيها اذا هي راح اعطيج عنوان المحل وتلفون
حبيبتي هذي متوفره بغاليريا الضجيج السرداب اذا انتي تقصدين تكون مدوره شوي ولها تواير من تحت واللون بني بنقش ذهبي سعرها 45 دينار لقيتها يعني 500 ريال تقريبا
كيم يس هي عباره عن خشب بني غامق وعلى الاجناب نقش ذهبي ومن الوسط مكان الجمر صينيه ذهبي وحوليها نقش ذهبي وفيها عجلات . يمكن نفس اللي تقصدين القاها رايك بالغاليري بس ممكن العنوان حبيبتي انا ما ادل م**وط لو فيه العنوان يكون احسن وجعلها ربي بميزان حسناتك
اهلين المزاين وين بالفروانيه اعطيني عنوان مضبوط لان اللي شفتها عندها تبيعها بالف ومئتين ريال وانا جايه الكويت بس ودي اعرف وين اروح علشان القاها وجزاك الله خير
حبيبتي منطقة الضيجيج قريبه من المطار وأنتي رايحه للمطار أول جسر أخذي يمين بعدين تجي بوجهج أشارات أخذي يسار بعدين ثاني لفه دشيها هذا الضجيج بس غالريا يكون داخل شوي
حبيبتي امس قريت موضوعج وسبحان الله لقيتها عند رفيجتي اليوم وسألتها موجوده بسوق دبي مول الي بالعزيزيه بالمنقف ب19.500 يعني رخيصه حيييييل لاوبع في الوان
دناديش شكرا حبيبتي جزاك الله خير كبرياء ما قصرتي تسلمين يا قلبي كويتيه بنت ابوها الله يجزاك خير وجعلها في ميزان حسناتك
