السلام عليكم بدخل بالموضوع دايركت ما أعرف المقدمات أول شي هالمنتدي قبل فترة قصيرة مسموح للتاجرات بعرض بضاعتهم و منتجاتهم بدون إشتراك تاجرات ... و لكن الإدارة غيرت سياستها و خلت التاجرات يدفعون إشتراك بمبلغ 15 دينار سنوي و دزت لكل التاجرات رسالة خاصة تبلغهم بالشي هذا قلنا ما يخالف يمونون و من حقهم الإدارة على مجهود تعبهم معانا بالمنتدي. بس بصراحة اشوف حتى الي مو دافعين إشتراك قاعدين يعرضون بضاعتهم اشكره و بتوقيعهم و ركن الطلبات كل ما طلبت عضوة طلب لقيت تلقفت عضوة ثانية مو تاجرة قلت طلبج عندي و رزت رقمها و لا قالت لها راسليني على الخاص و لا تلقينهم عارضين بضاعتهم بالتوقيع مع رقم تليفونات يا ريت الإدارة تهتم بشؤون التاجرات و تحط قوانين صارمه أشوي و لو تحطون موضوع اي تاجرة اتشوف عضوة تعرض بضاعتها بالمنتدي و ما عندها عضوية تاجرة تبلغ عنها و لا ليش احنا دافعين اشتراك علشان نعرض بضاعتنا و منتجاتنا و غيرنا يعرض بدون اشتراك ؟؟
اي حتى انا عندي استفسار اتمنى ما احد يزعل مني من الادراة دامك الاخت فتحت موضوع الاشتراك بالنسبة لقسم منتجات البشرة والتجميل يعني مايحق لمركز مني الجميع ياخذ رعايته لانه مو مجاني اعذروني عالصراحة بس كلمة بقلبي وحابة اقولها يعني قسم البشرة العادي او الشعر يحق له بس التجاري مايحق له ياخذ رعايته
هلا أختي . . . تخيلي الاااااف العضووواااات يوميا في المنتدى والمراقبات وانا بس نغيير بتواقيعهم المخااالفة . . . لاحظي من فترة وقفنا خاصية التوقيع وردينا رجعناها والسبب الاستغلال له من قبل العضوات . . . مجهودنا بصراحة مع كم العضوااات جباااار انتوا ماتدرون شنو قاااعدين نسوي يوميااااااا مع العضوات المخالفات . . . حتى قسم الاعلانات والمستعمل لاحظوا ما في اي موضوع يقدرون يضيفونه لين نشوووفه ونوافق عليه وكل هذا منعا للمواضيع التجارية وحفاظا على حقوق التاجرات . . . واهنيييه نبي همتكم وياااانا اي توقيع او موضوع مخالف تشوفونه او يمر عليكم اضغطي على ايقونة مشاركة سيئة وبجذي تساااعدونا . . . انا ما ابي اسوي بعد قسم الطلبات بنفس نظام المستعمل لانه قسم فيه خاااصية طلب مستعجل وما نبي نأخر العضوات في الردود والمساااعدة . . . وياريت دشين اي منتدى كويتي نسااائي ويكون برسوم سنوية وروحي لقسم الطلبات او المستعمل وشوفي مشاركات العضوات بتلاقين بعضهم يسوون اعلان لنفسهم ويلبون طلب العضوة . . . هالشي مستحيل نلحق عليه ونوقفه بسهولة . . . وللامانة وعن قناااعة ومعرفة ودراية وثقة اقولج ان منتدى سيدات الكويت اهو المنتدى الوحيد اللي يوقف بجانب التاجرة ويتااابع المواضيع والمشاركات السيئة اولا بأول . . . وانا اقول هالحجي وعن ثقة ولاني تاجرة حالي حالكم وعارفة شنو اللي يضايقكم واللي يسركم فكنت دائما اوقف وياكم وابسط شي هالتجمع تلاقيني متابعة مواضيعه لمعرفة اقتراح او شكوى او تظلم او مشورة ===================================================== اما مركز منى الجميع فكلمة برعاية مو معناته رعاية ممنوحة لهم مجااانية . . . الرعاااية اللي لهم لها مقااابل . . . وحياااكن الله
اتحمليني شوي ام عبد الله خجلانة وانا اكتب بس حابة استفسر عن شي بتفكيري بس حتى اشتراك مدفوع مايحق لهم رعايته لان القسم مو مجاني يقدرو يحطو قسم خاص لهم بالمنتدى للمنتجات ورعياتهم مقابل اشتراك!!!
بخصوص مركز منى الجميع اهما دافعين قيمة الاعلان لمدة شهر ممكن يجددون او لا مجال الاعلانات مفتوح للكل في الي يشوف انه البنرات الاعلانيه افضل من العضويه وفي العكس مركز منى فضل انه يحط اعلانات بدل العضويه ممكن اي شخص يحط اعلان الراعي في اي قسم يبيه اذا في رد باي موضوع من مركز منى بالقسم التجاري نحذفه على طول فقط اهما رعاة لقسم معين لفتره محدوده حسب الاتفاق وكان بمقابل واي استفسار نرحب فيها ومن غير خجل الحق حق وام عبدالله كفت بالرد
مشكورة أختي أم عبدالله على ردج و الله يعطيكم العافية على المجهود بس يا ريت تحطين موضوع محدد علشان انبلغ عن أي توقيع أو موضوع يشوفونه التاجرات مخالف علشان مو كل تاجرة تحط موضوع منفصل هذا رأي و مشكورة مره ثانية
هلا خواتي . . . ربي يعاافيكم يااارب شوفوا هالرابط بس اضغطوا على الايقونة وكتبوا السبب مثلا : http://www.kuwaiteya.com/vb/t83476.html توقيع مخالف اعلان تجاري طبعا فقط الاداريين +المراقبات اهمه اللي يشوفون التبليغ ويتعاملون وياااه . . . وحياااكم الله
