اول شي صباح الخير .... بنات ماني عارفة شسوي حدى متضايقة من الحشرات لي عندي زهيوي ومرات قارص ومرات ذبانة ونمل بس اكثر شي زهيوي بكل مكان في شقتي بالحمام وكمية كبيرة لاصقة بدروج كتشفت امس وانا انظف درجي حطيت بف بف كهربائي ورش حتى لاصقة عندي بنات وخايفة عليهم من الحشرات بنتي الكبيرة ادش المطبخ تهوس خايفة تاكلهم ولا شي تنصحوني بالقوارض ولاياثر علي عيالي :emoticon_U: موراضين يرحون ساعات القيهم بسرير شي مغرف والله عظيم..
اختي اتصلي علي الشركات الخاصه بالحشرات تحصلين ارقامهم بالوسيط و8080 عندهم معجون ابيض نسيت اسمه بس اهم يعرفونه عدل سعر الحبه 2.500 وتقدرين تكاسرينهم من جد هالمعجون خطير مافيه ريحه ولا مانه مضره بس الحشرات يشيلها بلمح البصر لانه مسوين عندنا بالبيت وكفالته سنه كامله
الله يعينج صراحه ولكن اخاف من العجينه لان عندج اطفال ولكن تحطينه بمكان بعيد عن ايديهم تدرين يوصلون لكل مكان ويحطون اي شيء بفمهم بس جربيها وبإذن الله تنفع معاج وتبعد الحشرات كلها عن بيتج
صراحة الله يعينج ...بس ياقلبي مثل ماقالوا البنات أتصلي على شركة مكافحة الحشرات والقوارض ....بيبخ على الاماكن اللي تتجمع فيها الحشرات ...تكرمون مثل بواليع المطبخ والحمام ..والفتحات أن وجدت ....في هذي الحظه طلبي من زوجج يقفل كل شي من درايش وبيبان وأنج أنتي وعيالج تتواجدون براء البيت على الاقل ل 6 ساعات ..علشان مايستنشقون البخاخ ...لانه خطر وسااااام ... وبعد الشركة عندهم معجون تصبينه بكميه صغيرة على الاماكن اللي فيها حشرات وشوفي شلون الحشرات راح تتجمع عليه لان طعمه حلو ويخليها تجذب باقي الحشرات المنخشه ..وبعد جم دقيقة تلقين كل الحشرات اللي ذاقت هذا المعجون السام ماتت ...هذي طبعاً من تجربتي مع حشرات .. وقلت يا أنا يهم في الشقة .... ديري بالج على عيالج من هذا المعجون ....وبعديه عنهم ...لانه خطرررررررررر وسااااااااااااام
الله يعينج بس اذا انتي ماجره حاولي تغيرين السكن لانه يمكن المشكله بالصحي والاساسات اهي تطلع هالحشرات ومهما رشيتي يروحون فتره بسيطه وبعدها يرجعون
اي انا أجار ما اتوقع راح القي شقة 2 ونقل الاغراض وعيال شي مو سهل ... ماشكورين واااايد على ردودكم ونصيحتكم لي ... اي اذا رشيت يطلعون مرة 2 ؟؟ قمت اخاف على بنتي صراحة شي موطبيعي الله ياخذ زهيوي بالعالم كله لووول...
