صانعة الرز ( تطبخ العيش والدياي بربع ساعة فقط) هلما بناااااااااااااااااااا لمعرفة هذا الجهاز الخارق والي الاغلب ما يدرون عنه للاسففففففففف طبعا هالجهاز ما استغنى عنه لا بسفراتي ولا بكشتاتي الي يكون فيها كهربا( لانها تشتغل على الكهربا للاسف ان شاء الله يصنعون جهاز من غير كهربا يصير بالبطاريه ، عاد العب يا ولييييييييييد ) :teeth_smile: عموما : هذا الجهاز الغير عادي ينباع بس ب 5 دنانير فقط لا غير على حسب الماركه وكلهم نفس الشي جربت السيئه وجربت الماركه نفس الشي عاد انتي اشتري الرخيصه عساس اتجربين بعدين لي احلوت معاج اللعبه اشتري الزينه والعوووووده عموما: ماذا تفعل هذا الجهاز؟ يعفل هذا الجهاز طبخ الارز والدجاج والخضار بربع ساعه فقط لا غير وكأنه مندي ( يستخدمونه اكثر شي للرجيم لانه ينشف النشويات الي بالعيش ، عاد انا اضيف ز بده وسمنه شويه وزيت نباتي فوق العيش عقب ما يتسوي عساس يعطيه لمعه ) طريقة الاستخدام: تكونين منظفه ديايتج ومغسله عيشج ومنقعته اكثر من ساعه واذا صار ربع ساعه منقعته ماكو مشكله بس زيدي ماي العيش بالجدر ، ،، الجهاز فيه تكه يعني مثل الدقمه ترفعينها فوق تشب ليت الكوك الطباخ يعني ( كاتبيلج وين الطباخ) اتنزلين الدقمه تحت يصير كيب هوتر ( يعني حافظ للحراره ) بس هالدقمه الي موجوده تودينها فوق تطبخ ، اتودينها تحت تحفظ الحراره . انتي عاد لي بلشتي طباخ شبي الكهربا ، وحطي على الجهاز الليت على كوك( طباخ) عاد شوي شوي يصير الجدر حار علما يصير حار تكونين مسخنه شوية ماي ومنقعه مكعبين ماجي بكاس ماي على حسب كمية عيشج واذوب المكعب ، وايضا علما يصير حار اكون منقعه زعفران شويه مع بودرة الزعفران بنص كاس ماي واحط فيه ماي ورد اصلي تكفون انا احط ماي ورد مصنع الجسر قاموا يحطونه بالجمعيات وبعدين الله يسلمكم احط شويه ز بده وشوية سمنه اصليه طبعا وشوية زيت نباتي بالعدال مو تترسين الجدر على السطح نفسه بعدين ليييي احتر حطيت بودر الهيل وشوووووووية كركم الييين يتقلى تالي احط العيش عليه من غير الماي واخلي العيش يتقلى شوي بعدين اخذ الجدر وانشره لي فوق ( مادري شلون اشرحها بس انسوي جذيه لي بغينا انقلب العيش عساس العيش ما يتكسر) ولما ننشر العيش عاد يصير العيش الي ما تقلى الي فوق يروح تحت والي تحت يطلع فوق ، وانطر شوي يتقلى تالي ازل ماي فلتر مو حار فلتر على العيش الييييين يقبيييه عادي كأنه جدر طباخج مال الغاز ماااا يفرق خالص مالص واحط مع العيش الماجي الي نقعته ودارسين وهيل ومسمار وورق غار كلا عدللللل وهذا السر في طباخي او طباخ العزايم هال اربعة بهارات العدله بالعيش لا تزيدين شي تكفوووون عاد قلبي العيش بيدة القفشه الكبيره شووووووووي شوي بليز عساس العيش ما يتكسر والي يرحم والد واليدكم ، وبعدين تحطين الطباقه المشخال فوق ( لما تشترين هالجهاز طلبي الي فيه مشخال فوق مقضض كبار ) اي تحطين بهالمقضض الديايه الي متبلتها بالملح واذا عندج بهارات ناعمه على خفيف حطي وشقي الدجاجه مثلا الفخذ بالسكين شقي فخذها والصدر كذلك عساس تنطبخ بسرعه وتكون طريه ، وطبقي على هالجهاز الطباخه ( الحين هالجهاز فيه جدر تيفال لونه دايما اسود وفوقه مثل طريقة الطباقه مسطحه مقضضه وبعدين الطباقه ( 3 شغلات بهالجدر) وتأكدي انه على الكوك الليت وروحي سوي سلطه وزهبي السفره والماعون الي بتنجبين فيه ، عقب الربع ساعه بطلي الجدر بتلاقين العيش استوا من فوق حطي الزعفران على صوب واااااحد فقططططط مو تحطينه دار مدار العيش عساس لما تنجبين تنجبين العيش الابيض ثم الاصفر ثم الحشو ( طبعا عندي الحشو زاهب من زمان اكون مفرزنته بجياسه على كمية ييدامي اكون مسويه جدر عوووود لما ابي اطلع) عاد ردي سكري شغلي ( مو اتطفين الكهربا اقصد لما تحطين الزعفران ردي شغلج مسكرالطباقه يعني ويا المشخال) لما تشوفينه طقة الدقمه على الكيب هوتر نطري دقيقتين ونص واربع حزاحيز :teeth_smile: بعدين سكري الكهربا اذا كنت مشغوله مثلا بغسال الهدوم عادي على الكيب هوتر لانه قاعد يحفظ الحراره . عاد اذا تبين تحطين زيت شويه على العيش عساس اللمعه براحتج في ناس اتسوي جذيه . تالي عاد نجبي تعبت وانا اطبع الي عندها سؤال لا تستحي انا مثل اخيتكم وايييييييييييييي شي تبون تسألون عنه بالطباخ قولولي طبعا انا تمكنت من هالجهاز الين حصلت على جهاز العوووووود الي انجب فيه لأربع بيووووت عزيمة بس هذا من غير مشخال تكون طباقته ما تنشلع منه مثل الضغط بس على كهربا معلومه : استخدمي ككاو الصيداوي بتذويب الككاو مع القيمر على حسب مقدارج لتحصلين على صلصة ككاو لذيييذة الطعم وطرية. ايضا استخدمي نوتيلا مع القيمر لتحصلي على صلصة ككاو لذيذة وطرية
أحلى عيون بذمتتتججججججججججججججج مو صانعة الرز ايدج اليمنى بالمطبخ !!! ثانكيوووو ام عبدالله ولنا لقااااء
سوري بس من زمان ما دشيت المنتدى بكل مكان الغانم ويوريكا حتى لوازم العايله قولي بسسسس صانعة الرز يأشرون لج عليها ادعولي حبايبي الحين تيفال منزل مثلها وشريتها اتيييييييييييينن ما اتحرق العيش عاد سويت امس فيها ورق عنب تركته ورحت الجمعيه ورديت لقيته استوى بسرعه وحاااااار وتعشيناااااااااه علينا بالعافيه طبعا
