كالعادة عندكم يوم مميز ومب عارفة كيف ترتبيله .. طبعا الترتيب يباله وقت يعني قبل المناسبة بفترة لازم تبدين اجهزين لهذا اليوم .. واليوم حابين نغير لنا ولازواجنا وبنخلي الليلة هندية والجو هندي .. عيشي في فيلم هندي ههههههههههه .. كأنه يمثل .. يله نبدأ .. بسم الله الرحمن الرحيم .. طبعا بتجلبين ديكورات الحجرة أحمر وبرتقالي ووردي وغيره من ألوان الهنود الجريئة .. وبتحطين الكوشنات (المخدات الصغيرة) الهندية المطرزة بشكل خفيف عالفراش .. سوي جلسة عالارض وهي عبارة عن : كفر(اللحاف) اجسفيه عساس يعطي متن شوي او حطي دوشك المهم غطيه بقماش هندي مطرز خفيف وعلى جوانبه حطي المخدات الصغيرة .. وعلقي باي شي مثل الستاير الخفيفة عالجانبين حطي بجانب الجلسة الاضاءات او اللمبات اللي مثل الفنار القديم بهالطريقة لا تستخدمين اضاءات الغرفة بس الابجورات والشموع الهندية بعد ما كشخنا الغرفة نجلب الحين على الاكل .. شي أكيد بيكون هندي ومتروس فلفل ههههههه واذا ماتبون عشاء تقدرين تخلينه وجبه خفيفه مثل بسكوت وسمبوسه مع شاي سليماني وطبعا بتقدمينه بطريقة هندية عطري الحجرة بريحة الورد .. بس فيه روايح حلوة وباردة وفيه منها تسد النفس مب تختارينه ههههه ولا تنسين حطين اغاني هندية بس الهادية الرومانسية وخلي صوتها خفيف بتكون معاج طول الحفلة وألحين الدور عليج وعلى كشختج طبعا بتكونين هندية من فوق لتحت بداية باللبس اللي بيكون عاري شوي وخاصة منطقة البطن مثل ما نشوف في الافلام الهندية او ألبس بدي ضيق وقصير وأشتري لج قطعة 3 ورات على كيفج تبينها شيفون او حرير او شي ثاني ولفيها بهالطريقة ولاتنسين الاكسسورات الهندية الخلخال الهندي والحيول وووووو.....................الخ وبراحتج حطي الاكسسورات اذا حابه خفيف انا اشوف احسن واحلى واذا حابه وايد على راحتج اذا كانت مناسبة الاحتفال عيد زواجكم .. ألبسي أحمر وأخذي شال احمر هندي وغطي راسج ووخي مثل الافلام الهندية اونه العروس مستحية من المعرس وشعرج سويه هندي وزينيه بالورد والياسمين اوالاكسسورا وأهم شي الحنا الهندي عشان تكمل الحفلة اشتري لزوجج لبس هندي ويوم بيوصل البيت وبتبدون الاحتفال اعطيه اللبس عشان تتصورون وتكون ذكريات حلوة ومب لازم حد يشوف الصور اهم شي انتي وهو وكل وحده تعرف زوجها اذا بيقتنع انه يلبس والا لا وكل وحده بطريقتها الخاصه تقدر تقنعه ; ) اشتري طوق الورد اذا حابه الورد طبيعي خلي المحمصة تسوي لج الطوق واذا حابة صناعي سيري محلات درهم ودرهمين بتحصلين الورد وانتي سوي الطوق ولبسيه وخليه يلبسج عشان اتم مراسم الزواج ههههههههههههههههههههههههههههههه وبعد ما تاكلون وتستانسون وتتصورون وتضحكون وتعلقون على بعض طبعا انتي بتكونين مجهزه اغنية هندية ربشة شوي .. وفي نهاية الحفلة حطيها ونشوا ارقصوا عليها وحاولو تقلدون الهنود في الرقص يعني الرقص يكون هندي حركات وتجليب عالارض مثل الافلام وغيره وهو بيتنطط مثل الهنود هههههههههههههههههههههههههههه .. احس الليله هاي بتكون من اروع الليالي لانها مب بس رومانسية ألا كوميدية ومرحه .. وإذا كان زوجج يحب الحلويات .. أخذي حلاوة هندي وأكل بعض .. وبتحصلينها في المطاعم الهندية واحلى شي سويت اسمه جلاب جامن وواحد ثاني اسمه راس ملاي وأتمنى لكم ليلة سعيد حلوة .. بس اللي بتسويها تخبرنا كيف سوتها وشو لبست وغيرها عساس نستفيد وانا اوعدكم اذا سويتها قبلكم بخبركم وبحط لكم صور المكان والاكل وغيرها بس ما بحط صورتي وصورة زوجي ههههههههههههههههههههه .. يله انتظر الردود ما ابا كم رد نفس موضوع الليلة الخطيرة والا صدقوني بزعل وما بكتب لكم .. ترا بعد عندي سوالف خطيرة واااااايد بس انتوا شجعوني .. واالله اتمنى من المشرفات يفتحون لنا منتدى خاص للمناسبات والايام الخاصة عشان نحط فيه هاي المواضيع وتكون لنا مرجع لما تينا المناسبة منقول
يسلموووووووووووو على الموضوع... عاد يازين شكلي هنديه وبحط دقه حمرا على جبهتي بعد اوووف شي هههههههههههه
مشكوره ام رشودي خوش فكره ، عيد الحب هذا بسوي ليله هنديه وكل عيد حب بسوي عن دوله بسفره العالم وهو عندي ههههههههه
