مراحب امس رحت ستى سنتر السالميه اشترى جدر حافظ حراره وجذى سوالف, وخلصت نزلت افرفر صوب الملابس, ولقيت بجايم مريحه وحلوه وخذيت جم وحده, لكن الجوده موشى بصراحه
هذاك اليوم شريت بجايم لبستهم لبسه توسعو, قطيعه الواحد ما يشتهى يشترى شى من السوق سوقنا ما يشجع, الحين قمت افكر ما اشترى اى شى لين اسافر سفره واتشرى من هناك, الاسواق عندهم شى ثانى!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اختي موضوعج عن العطور . . . وانتي كاتبة طلبج عن البجامات انشيئ موضوع ثاني في قسم ساعدوني وسألي العضوات
امس بنت اختى تقول لى وهى مستانسه انها لقت مكان يبيعون عطور اصليه ب 6 دنانير ومصدقه وشرت جم حبه, وشفت عطر من العطور اللى خذتهم ومبين بو طقه,قلت بقلبى شقول لها ما بى اعور قلبها, بس خلينى ساكته وبعدين افهمها الموضوع, عشان حرام الفلوس اللى تصرفهم على التقليد اللى سعره دينار! :sad_smile:
اللي اعرفه ان العطور الاصليه موجوده بدبنهامز عطوراتهم تعبئة لندن أما غيره فهو تعبئة الامارات و اذا على التقليد كل شي صار عندنا تقليد حتى جناط الصالحيه تقليد و مشكوك فيها ما عندنا شي أصلي لازم نسافر عشان نشتري الاصلي
دلال حتى دبنهامز تقليد لا يغرج اسمه, انا كنت مستانسه فيه الملابس اللى فيها شكلا ونوعا غير عن لندن وزارا وغيره غير عن اللى عندنا, اذا تروحين تشوفين بنفسج بتنصدمين! واتمنى تروحين انشالله عشان بس اشوف تعليقج!
