هالابيات عجبتني كثير بما فيها من حكم كثيييييييييره حبيت تشاركوني متعة قراءتها .. لاتفرح إن الوقت أسعدك وأعطاك لابد ما سود الليالي تبكيك دنيا تقلب علها ما تولاك تمسي عزيز وتصبح من الصعاليك إلى أقبلت تخفي عيوبك عن عداك وإلى أدبرت تظهر عيوبك لأهاليك إغنم صروف الدهر كانه أمداك قبل اللحد عن ظاهر الأرض يخفيك وترى التشكي للمخاليق يشناك يحط من قدرك ويفرح به معاديك وكثرة التشره يجعل الناس تجفاك ولاعاد تلقى بينهم من يخاويك ولا تمادى في زعل من ترضاك مادام جاك عاني على شان يرضيك ولا تخاوي من على أبوه بداك هذاك وإن طال الزمان يغدر فيك والجاهل إحذر لا تجادله يبلاك في كلمة بين المخاليق تعميك والهرجه العوجى لو إنها تنصاك حاول تجاهلها وخلها تعديك ولاتخيب هقوة اللي تهقواك مادام جاك من بين المخاليق ناصيك وأحذر تهزا يافتى بخلق مولاك تشوفها باقرب قريب يواليك ولاتفرح بزود على الحق وإن جاك وزودك ترى نقص على حق ذوليك وخل القناعه ميزه من مزاياك مع القناعه كل شي يكفيك وإن جت لك الدنيا على غير مشهاك أصبر ترى بالصبر تدرك أمانــيك ولا تامن الدنيا ترى الوقت فتاك لاجا القدر كثر الحذر ما ينجيك ...
