. بسم الله الرحمن الرحيم السلام عليكم ورحمه الله وبركاته كل ماهو مميز يستحق الثناء والتقدير لذا .. سيتم افتتاح مساحه للمواضيع المميزه * حتى يستحق موضوعكِ التميز لابد من : ثلاث اشياء مهمه المقدمة .. محتوى الموضوع .. الخاتمة أولاً المُقدمة : الموضوع بدون مقدمة مثل الرسمة بدون ألوآن إبداعك يبدأ من هنآ ، في مقدمه موضوعك بمقدمتك تقدرين تجبرين الزائر يكمل الموضوع أو يقفل الصفحه ويطلع ..! كيف تكتبين مقدمة ؟ * اول شي حسب موضوعك " رسمي / ترفيهي / درس .. إلخ " لكل نوع مقدمته اللي تناسبه مثلاً : المواضيع الرسمية عادةً ماتحتآج مقدمه طويلة أو كلام كثير والترفيهية عكسه يعني ماعندك مشكلة لو سويتي رد كآمل بس مقدمة ..! * حآولي ماتطولين حيل في المقدمة ولا تقصرين حيل * ممكن تستخدمين آيآت أو آقوآل مأثورة أو حتى أبيآت شعر في بداية المقدمة .. ومن خلالها تبدأين تمهدين لموضوعك * حآولي إنك تعطين القآريء فكرة بسيطه عن موضوعك من خلال المُقدمة ، وانتبهي من التكرار او الخروج الكثير عن الموضوع ، أو تنآول فكرة واحدة في المقدمة دون بقية الافكآر ، يعني حاولي تكون مقدمتك شآملة لأهم محتويآت الموضوع * أهم نقطة إن المقدمة تعجبك أنتِ قبل غيرك يعني حآولي تقرآين المقدمة كقآرئه عآدية .. وإنتقدي نفسك وعدلي اخطائك ثآنياً محتوى الموضوع : تحطين موضوعك سواء كان مقآل آو آي شي نفس الكلام اللي قلنآهـ في المقدمة ينطبق هنآ ثآلثآً الخاتمة : الخاتمة يفضل تكون قصيرة فيها شكر للقرآء على قرآئتهم لموضوعك .. وآي شي تبين انتي تكتبينه .. وبس يعني مافيها كلام كثير بنتكلم في ايضاّ عن نقل المواضيع ، وكيف تقتبسين بطريقة محترمة وقآنونيٌة
. آول شيء : ماهي الأشيآء اللي أقدر أقتبسها ..؟؟ الصور .. الروابط ..أخبآر .. إلخ تقدرين تقتبسين كل هالأشيآء .. لكن * لاتأخذين كل الأشيآء من مصدر واحد .. أجمعي اشيآء مختلفة من عدة مصآدر وضيفي أشيآء من عندك .. * أكتبي الموضوع بنفسك ، لاتنقلين موضوع كآمل بنفس صيآغته وتحطينه ، حتى لو أضفتي عليه أنتِ نآقلة للموضوع .. لأنه مو أنتِ اللي كتبتيه ..!! * مثل ماأعدتي الصيآغة أعيدي التنسيق والتصميم =) ختاماً : الموضوع المميز سـيتم تثبيته بالركن العام .. و رابطه في شرفه التميز
