هلا ياخواتي لاتقولون سوي فرد ولا دايموند ولا يوكو سوسته وراحت ميزانيه 1000 دينار او اكثر هذا غير المنتجات منهم الشامبو وغيره وغيره يمكن 200 دينار احسن الصالونات واقولها ولااظلم احد صالون لاليك متخصص بالشعر مانفع طاح بالتدريج وشعري ملا البيت واخر شي شعر ناشف وخفيف رجع نبت شعري بس مو مثل اول تصدقون ياخواتي نبت كانه خلبة الدله مالت القهوه طلع شعر شكله متكور كانه محروق بسرعه يتقطع شفتو لاقربتو الولاعه للشعر شلون شعري مثله يالله المه جاف منفوش كيرلي مثل والله واير التلفون جعدته قويه والله ولدي يقول لخوانه شوفو شعر امي كشه جدام زوجي وانحرجت انا كنت امشطه سمعته صكت فيني الدنيا ورحت اركض اكتيلكم معاناتي تدرون عندي ماركات ماتصدقون من الصيدليه شامبو وماسكات وبلسم وزيوت وغاليين ماينفع احس حمام الزيت اشوه ليمتي شعري والله قبل لا اسوي التمليس كان اهون الي تنصحني الله يعافيها ويرزقها من حيث لاتحتسب وسامحوني علي التعبير
هلا اوراد ضحكني ولدج الله يخليه لج كل اللي عليج تهتمين بشعرج الحين عشان ينبت وترد روحه شوي وتوقفين كل الكيماويات اللي ماوراها الا البلاوي والتساقط والامراض اللهم ياكافي ,,,, وتروحين طبيب يسوي لج تحاليل ويكتب لج فيتامينات عليج بالزيوت والحنا والسدر ((( وهذيلي بينعمون شعرج ترا )) وعسى ربي يرزقج بنوته قمررررررررررر
صالون لاليك نصابين حدهم اصلاااااااااااا مافي شي اسمه كيراتين للشعر العادي او المصبوغ اهو بس واحد ولا احد يقول غير هالحجي لان هالشي شفته بشعور كل بنات عماتي وخالاتي اذا شعرج يطيح في شي يوقف التساقط بدون لاخلطات ولاخرابيط اذا تبين اعلمج
في خلطه والله بس تنعم الشعر بس ماتطول وماعتقد تكثر لكن تنعم تنعيم موطبيعي موطبيعي مقاديرها بالضبط ان نقصتي شي او زيدتي شي مانفعت والله تنعم وراح تشوفين نص اصبع ز بـــــده و3 ملاعق عسل اصلي اكبار وملعقتين كريم شعر مثل اسكالا وملعقتين زيت جوز الهند خلطيهم عدل وحطيهم على شعرج وخليه ساعه والله تنعم وتطري الشعر وتعالجه من الجفاف وعلى فكره انا ماحب العسل لان مرات يحرق الشعر لكن مع هالخلطه وايد حلوووووو جربي ماعترف ابشي ينعم الا هالخلطه لان صج تنعيم موطبيعي تخليه طبيعي ملمسه حلو اوراد جربيها وقوليلي عاد نتايجها
لا حول ولا قوه الا بالله حبيبيتي عليك بالاملج مع زيت السمسم عارفه الخلطه من خبيره اعشاب تفرد الشعر وتنعمه روعه وال**ده روعه للشعر تجربتي انااا ال**ده عندي خلطه بال**ده اذا حابه بلغيني والله يفرج همك
