السلام عليكم حبيباتي عندنا حفلة متفوقين وابي افكاركم شنو احسن اللبس بدلة ولا عباية :75_75: يقولوووون العباية رزة اكثر وتحليي الجسم ابي فنتق للعباية:75_75: فكرت بعباية تطلع حلوة وكشخة وذربة مالقيت إلا أني أفصل عباية سادة واسوي لها سديري (جليه) قصير ومرتفع من فوق ومطرز ومشغول بكلف واسوي لها فتحة من جدام طويلة وتحتها بنطلون ضيق ومشغول بنفس الشغل على السديري جذي ابرز الاماكن الضعيفة بجسمي اللي اهيه الخصر والريول:75_75: واللبس معاه شوز كعب عالي اسود امممم بس شنو الألوان اللي ادخلها بالعاباية :75_75: ثانيا هل عندكم فنتق يديد بصراحة بخاطري اكشخ وبس اتمنى تساعدوني وتعطوني رايكم
تدرين مرت اخوى مسويه عبايه حلوه ع اللبس بس حسبي يالله ونعم الوكيل من عيون الحريم واهى تتبخر طاحت عليها الفحمه بكبرها وصارت رسمة عين كامله سبحانه شوفى اهي حلوه وناعم العبايه كتف وفيها كسره كبيره من جدام وداخل الكسره هذي قطعة خام حرير مشجره والوانها الحلوه والكم بعد مسويه فيه كسره صغيره والملفع مسويه فيه كسرات صغار يمكن 3 مدرى خمس بس مو حلو حلاتها علي الملفع وعلي طرفه وانتى كيفج
حبيبتي انتي وردة الكويت الأولى أنا مسويتها لكن بعد مالبستها ولونها مايل للكركمي بأخضر طالعة حلو كل الشكر لج
ماقصرتي حبيبتي متوهقة فصلت عباية فيها كسرات من جدام بس الكسرات مسكرة شكلها وايد حلو بس حدها نااااعمه أنا أبي شي فيه شغل شوي يطلع طلتي غير أنا دايم أللبس ناعم حبيت أغير شوي شاكرة مرورج وردج
كل الشكر لكم حبيبات قلبي لبست العباية اللي فيها بنطلون اللي مسويتها قبل وطلعت روعة وناسبت الحفلة ذربة وبنفس الوقت كشخة باللبس لكن باقي لنا حفلة ثانية وانا حدي مضايقة ابي شي حلو وابي اغير افكر اللبس المني نفنوف مع كعب عالي واكسسوارات وملفع شرايكم؟ منه تغيير ومنه مافي وقت الحفلة الاحد وابي شي جاهز حتى لو اسوي عليه اضافات من عندي سريعة كلف وجذي شرايكم ؟
