السلام عليكم حبايب قلبي ابيكم تساعدون وتشورون علي بخبراتكم بغيت استفسر عن عيادات الاسنان ايهم افضل من ناحية الدقه بالمواعيد والنظامه والعمل والجوده واسعار شلع ضرس العقل العصب وبرد وتلبيس السن والزراعه تبيض زوم 3 الافضل ولا القشره اللي هابين فيها بنات من جربت هالشغلات وجم كان اسعارهم وشلون المعامله والمواعيد وهل تغير عليج للاحسن ولا للاسوء ومن جربت عيادات الخفجي بليز بنات ساعدووني الله يرضى عليكم ويوفقكم وين مارحتو
حبيبتي بخصوص الخفجي عمتي سوت اسنانها وكان شكلهم طبيعي والسعر ممتاز وبالكويت أنا جربت تيجان لطب الاسنان ممتاز بالتعامل والدقة وثقة واسعارهم زوينة حتى التنظيف العادي ممتاز ومرة تاخر الدكتور بموعدي لأن في ريال كبير بالعمر ضغطهم ولمن دخلني وراه مارضى الدكتور يحاسبني يقولي أنا اخرتج واحسبيها عليي وشغلهم زين وثقة بس غيرة ماجربت رحت الميدان وماعجبني أسلوبهم ولا معاملتهم والموعد بعيييييييييييييييييد مثل الحكومة لا وعلى الفاضي شغل مو ذاك الزود خلعت عندهم العدان أحسن والأسعار ناااااااااااار والتبييض مو ذاك الزود أختي سوت أسنانها قبل عرسها بأسبوع وقبل نهاية الأسبوع تغير لونهم خسارة عالفاضي وبس
اممممممممممم كيمو حبيبتي أنآ جربت أبهآ اللي بالشعب البحري .. رووعه .. كآنت عندي مشكله وعآلجتها وبسس والله يسهل أمورج .
هلااا قلبوووو اقوول لج بسس سمعت عن الخفجى وابهااا حلووو وبصرراحه انا سوويت عند مركز تيجاان لطب الاسناان رررررروعه حييل نفس كلام قطه سكر
بالنسبة لي وتجربتي كانت ببيلا كلينك جدام فرجينيا عند دكتور عبدالهادي شهاب وهو يدرس بجامعة الكويت على حسب ماسمعت بدلت ضرسين عنده كان متغير لونهم محد انتبه لهم كأنهم طبيعي واحلى بعد من الطبيعي وموفقه قلبي
عندج الخفجي شغلهم حلوو واسعارهم احلى ،، حماتي راحت سوت تقويم هناك رخيص حيل ارخص من هني كلفها 500 بس هني قالو لها 1000 دينار لان اسنانها يبيله شغل وايد
