السلام عليكم شلونكم ياعضوات شرايكم نستفيد ونفيد بالموضوع هذا انا متبعه رجيم الدكتور حسين الدشتي واحترت شنو اكل وشنو اسوي مع موضوعي خلونها مانحتار كل يوم نصور طبقنا ونعرضه بالموضوع وخلوا الفايده تعم الجميع شرايكم ؟ انا ابي ابدي بكم طبق خلونا نبدي الفطوور عباره عن بيض اومليت وفوقه جبن بيتزا الطريقه اقلي البيض في مقلاه وبعدها رشي عليها جبن بيتزا ودخليها بالفرن ليما يذوب الجبن .
ابشري ياوخيتي عندي ابتكارات عديده والحلو مع الصور عشان نتشجع ونطبق الاطباق بوريكم غداي اليوم غداي عباره عن قطع دجاج شيش طاووق مع خضروات الطريقه : اقلي اي نوع خضروات تحبين من المسموحات مثل ( كوسه -البصل وقطع ثوم - فلفل بارد - بيذنجان -وبعض الشبنت والك**ره ) وضعي المقليات في البايركس مع قطع الدجاج شيش طاووق وضعي فوقهم جبن بيتزا وخليه يحمر شوي بالفرن ) صحتين ولا تنسون السلطه مكونات السلطه شمندر وخس وملعقتين زيت زيتون ورشه ليمون وشرابي بيبسي دايت لا تقاطعوووون وفيديوني وفيدوا الجميع .
مساء الخير خواتي انا زعلت عليكم مافي غيري مسوي رجيم هني بس يالله بسوي خير وبقطه بحر شوفوا غداي اليوم عباره عن برقر دجاج ومعاه خضروات وجبن بيتزا مع سلطه فيها كروم بنفسجي واخضر وفلفل بارد لونه احمر طلعت الالوان حلوه لان العين تعشق قبل القلب . وعليكم بالعافية
هلا ام عبدالله الله يعطيج العافيه ومجهودج واضح .. ويلا هاذي مني سندويشات : بالخلاط الكهربائي تخلطين ثلاث بيضات, وربع فلفل اخضر , وشوية كز بره وعصرة ليمون ورشة ملح وفلفل وتخلطينهم من خمس الى عشر دقايق وبعدين تحمين الزيت زين بمقلاة وتصبين الخليط بالملعقه على شكل دوائر وقلبيه لما يستوي من الجهتين وتقدرين تقدمين معاه دجاج تسلقينه وتفتفتينه مع حمسه ثوم وفلفل اخضر وكز بره وبهارات وتضيفين عليه ملعقه كريمه وملعقه وسط جبن وملعقه وسط قشطه وبعدين حشيه بالساندويتشات وضيفي عليها شوية شطه وبالعافيه
يعطيج العافيه وان شاء الله يارب تضعفين بس نصيحه رجيم حسين دشتي ابداً ماينفع تسوينه بدون الدكتور فحوصاتج ومراجعاتج لان بعدين يطلع عليج ع*** نصيحه لان ياثر على رائحه الفم تصير كريهه وعلى العظام تحسين وانتي تصلين عظامجج تطقطق بالركوع والسجود تحسين منتي قادره تصلين وفوق هذا احياناً يلعب بهرمون الحليب من حاله للثانيه عن تجربه فنصيحه لاااازم تراجعين الدكتور وموفقه يارب وتضعفين حبوبه
هلا بج حبيبتي انا متبعه رجيم الدشتي قبل ما اروح له ب12 يوم وتغيرت حياتي 360 درجه بشكل ماتصورين وبعدها راجعت عنده مراجعتين وانا بستمر بأذن الله بالمراجعات الي اوصل الوزن المطلوب وبالعكس من اتبعته خلاني ما اتكاسل على الصلاة قبل احس بثقل وفحيح وتعب اذا صليت اما ألحين والله والله والله وانا والله الشاهد على كلامي اني وانا اصلي احس اني مثل الريشه اول ما اسمع الاذان على طوول اروح اتوضئ واصلي واحس بخف مو طبيعي والحمد الله وانا متبعه هالرجيم من شهرين والحمد الله نزل وزني 10 كيلو وحياج الله حبيبتي
السلام عليكم بأنكم شجعتوني اكمل خواتي ابشركم نزلت 10 كيلو مو بس عشره كيلو بالاسم لا لا ونااااااااااااااااااااااااااااســــــــــة :teeth_smile: عشره كيلو مع تنحيت ,جسمي تنحت بشكل مو طبيعي ويالله خلوني اعرض لكم طبق من اطباقي وهذا طبق ملوخيه دجاج وانتي وابتكارج فيها على فكره انا احب الملوخيه الرايبه والناس اذواق وبالعافيه وصحه ورشاقه دايمه
يعطيج العافيه يا ام عبدالله على الاطباق وتسلم ايدج وانا عجبتني اطباقج وابي ابدي معاج ومبروك نزولج 10 كيلو وعقبالي
يعطيج العاااافيه وماااقصرتي .. والله تسوين فيناا ا اجر ع هالاطباااق الحلوووه .. لان انا عن نفسي انغثيت من الهمبرجر المشوووي مع توست اسمر محمص .. والا توست اسمر محمص مع حلوووم او مع ديك رووومي .. انت ماشاء الله اطبااقج حلوووه .. وبانتظااااااااار جدجدج ..
