صار لي وقت اسمع عنها تبيض الجسم وهذى سر بياض خواتنا المغربيات بس وحده نصحتني انها عشبه سامه إذا في جرح بالجسم تسمم الدم هل الكلام هذى صحيح وموفقه بإذن الله
اهي سامة إذا انوكلت بس كأي خلطةحق الجسم ما تنفع للأكل ولا يصلح تنحط على الأماكن الملتهبة و الحمد لله صار لي سنتين ابيعها ماحد اشتكى منها بالعكس كل مكن جربتها داومت عليها و مدحتها و انا أسويها بإيدي ما فيني إلا العافية مشكورة على المرور
موفقه خير يارب بس حبيت اسال عن عشبة الداد صار لي وقت ادور عليها وقالوا لي اذا بجسمج جرح حتي لو صغير يسبب تسمم تكفين تفيديني الله يوفقج ويرزقج من غير ما تحتسبين
هلا أختي الداد وايد زين للبشرة من الأحسن ما تحطين اي شي لو فيج جرح حتى الاسكينول مثلا ما ينحط لو عندج جرح و مكتوب على العلبة التحذير و كاني الحمد لله أحطه على طول و أسوي الخلطة بروحي بدون قفازات حتى بحملي أحطه على الجسم و كل المغربيات يستعملوه بالحمام من زماااااااان جداتنا بس ما يصلح للأكل اكرر أنه سام في حالة الأكل و ليس الاستعمال الخارجي
