السلام عليكم يـَ?ـَ? أجمل منتدى كويتيات أنا بحرينية وأبيكم اتساعدوني عرسي جريب وحابه إجي عندكم هذا الاسبوع عشأن اتجهز فياريت أدلوني عله أماكن فساتين راقيه ومستلزمات العرس. بأسعار معقوله ??وْيــ??ن أحسن المجمعات أو الأماكن المشهوره عندكم للتسوق وجزاكم ?لٌـٍّلْـٌِہُ خٍّّـٍُيًْـٍّّرٍُ.
حبوبه بالنسبه للدراريع عندنا الحمرا مول والعربيد بالفروانيه هالمجمع فيه كل شي تبينه وعندج سوق المباركيه حق بجامات ودراريع بيت وجناط تقليد درجه اولى ومكياج وقمصان نوم عندج مجمع الايوب بحولي وعندج ستي سنتر حق بلايز وملافع والكويت كل مكان فيها حلو وراح تلقين طلبج حياج الله وتنور الديره
عندد كويت ماجيك في منطقة بوحليفه عندج بعد الله يسلمج مجمع اجيال وبالنسبه حق العبايات مجمع سلمان الدبوس في منطقة فيحيل ومجمع الايوب حق الملابس الدتخليه وقمصان النوم مجمع النقره الشمالي بالنسبه للدراريع مجمع العربيد في منطقة الفروانية ومجمع سيتي سنتر حلو مجمع الافنيوز
صج نسيت اقولج ادري سولفت وايد خخخخخخخخخخخ روحي حوش السالميه جناط وانتي بكرامه شحاطات وجواتي وغيره بس والله ما تندمين انا بنت اخت ريلي امارياتيه يات من الامارات وجهزت حق عرسها ووديتها هناك شرت كل شي
دانة الدنيا144 مشكوره اختي بس شنو قصدج حوش السالميه. ماقصرتي وان شاء ?لٌـٍّلْـٌِہُ أروحهم عاد كويت أم الموضه
يا هلا والله باهل البحرين . اذا تبين الغريب والفنتك , تلقين فى معرض افكارى الدائم بالرى ومعارض شبه دائمة فى فندق السفير بالرقعى و وعرض كمبوثرون بسليل الجهراء .( طبعا كلهم شغل حريم )
اختي الكويت فيها كل شى بس انتي حددي عشان اساعدك يعني شنو لبسك وستايلك بالضبط عشان مايضيع عليك الوقت وتتاخرين عن البحرين انتي نظامك خليجي يعني دراريع وملافع وهالسوالف ولا شغل البنات اليديد يعني غربي ؟؟؟
اكثر شي اختي ابي درايع يعني خليجي يعني ابي حق الاستقبال وصباحية العرس وشنط وتكون الاسعار معقوله بعد ابي غربي بس اقل اشوي مركزه اول ع الدرايع ومشكوره مقدما
هلا ومرحبا فيج بديرة الثااانية اختي . . . الكويت اسعارها ارخص من البحرين للمعلومية بوااايد يعني ما تحتااارين ولا تقااارنين بينها وبين البحرين في الاسعااار . . . اشتري وانتي مطمئنة . . . والاخوات ما قصروا كفوا ووفوا
الله يعافي الافنيوز كل شي فيه لبس كشخه سبور بجايم قمصان نوم مكياج عطور جواتي امممممم اشبقى بعد وعندج المهلب هم وايد حلو فيه قمصان نوم روعه وبدلات حقله وملابس كشخه للزوارات واكسسوارات وعندج 360 للماركات والجناط والساعات الماركه ووووووووووووبس بالتوفيق والف مبروك
حبوبه بالنسبه للقمصان النوم في وحده تبيع باسعار رخيصه وبالنسبه للدرارييع في مجمع بالفنطاس اسعاره رخيصه
