بسم الله الرحمن الرحيم خواتي ودي احذركم من التعامل مع المصممة اديبة المحبوب صار لي معاها موقف الله لايوريكم اجرت منها اختي بدلة لعرسها واول صدمة لما رحنا حق البروفة قبل العرس بيوم لقيناها للحين على حطتها لاوسعوها ولا ودوها المصبغة طبعا انا انفجرت فيهم قلت شتنطرون انتم ماخذين مقاساتها من اول ...ردت المغربية ام نفس خايسة قالت حبيبتي اذا مو عاجبك روحي اي مكان ثاني المهم بعد حرقة الاعصاب قالوا تعالوا بعد المغرب يكون جاهز ورجعنا لهم بعد المغرب والمفاجأة انهم ماوسعوه ولاسووا فيه شي غير انهم نظفوه بس وانا لو رادة علي كان قطيته عليهم بس المشكلة باختي عاجبها ..المهم قالت اختي بتحمل الضيج واخذه قلتلها كيفج يوم اتفقنا وخلصنا قالوا يالله نبي التأمين عاد هذه سالفة التأمين عادة مبلغ التأمين يكون رمزي مايتعدى ال 100 دينار لا هذيلة تامينهم غير 300 دينار تخيلوا علشان التامين ليش انا مأمنه على سيارة ولا بيت المهم بعد شد وجذب وصيحة دفعنا لهم على اساس انه يرد بعد ماترد لهم البدلة مافيها اي شق ..وبعد العرس بيومين راح اخوي ورجعه لهم طبعا قابلته اديبة بنفس اخيس من نفس موظفتها المغربية وقالت انتو تأخرتوا لازم نخصم عليكم من التأمين ومن هالكلام وقالت مانرد لك التامين الا بعد ماتطلع البدلة من المصبغة ويبيلها اسبوع على ماتطلع سلم امره لله ورجع لها بعد اسبوع وقالوا للحين ماخلصت يبيلها جم يوم بعد انطر لين ندق عليك والحين هذا الاسبوع الثالث ولاشفنا شي طبعا بلغنا حماية المستهلك عليهم واخذوا اجراءاتهم ... شرايكم بتعاملهم امانه بنات عطوني رايكم انا مقهورة منهم؟؟؟ :thumbs_down:
الله يعينكم الحين قبل العرس نظفو البدله من العصر ليمن المغر ب وعشان التامين التنظيف 3اسابيع مبين النصب مايحتاج سبحان الله هالمصممه من الله ماحبها والحين زود
معروفات هذيلا فلوسهم من النصب ولا بدله بالفين وثلاثه حسبي الله عليهم البنات قاعدين يروحون لهم ويشجعونهم
ربي يعينج على هيك ناااس !! نتمنى مقاطعتها يعني تنصب عليكم وتستغلكم وتلعب لعب بالتأمين وهم بعد البنات يروحون لها !! اخذي حقج منها بالقانووون لا تخلينها تمرر نصبها بهالطريقة هذا اللي جرأ هالاشكال علينا . . . وبلغينا شنو يصير وياااج وقولي لها كتبت عنكم بالنت سوي سيرج باسمج وبتلاقين الموضوع
أديبة في احد يحبها !! محد يحبها الكل يشتكي منها ماادري ليش للامانه ماتعاملت معاها بس شكلي مابي اتعامل معاها ابدا مع اسلوبها عيب جذي شنو هذا
هلا خواتي تدرون شنو صار..... اليوم تناشبنا انا وياها وكلمة مني وكلمة منها الا تبي تخصم 50 دينار علشان التاخير تقول تاخرنا يوم قلتلها انتي تاخرتي 3 اسابيع وانا رايحة جاية حتى حسيت اني طرارة من كثر مااتردد عليها المهم مني مناك مافيه حاطة في بالها الخصم قلتلها الله لايحللج اخذيه بصراحة قمة الانحطاط بالتعامل وشوفة النفس ....بس انتبهوا خواتي من هالاشكال لايقصون عليكم مثل ماسووا فينا وحسبي الله عليهم
حسبي الله عليهااااا . . . وياااريت تقاطعونها ناااس بااايخة في التعاامل ولاتخاف الله !! اهم شي خذيتي فلوسج منها . . .
صدقتي حياتي والله صارلي نفس الموقف بالضبط ومارجعت فلوس التأمين اعوذ باله قلت لها هذيل فلوس حرام ولا محلله قالت عادي احب الحرام وراحت علي فلوسي
حسبي الله ونعم الوكيل من صجها هذي لا وتقول بعد عادي احب الحرام !!!!!! شنو ماكو حساب وعقاب باجر بالله اشراح تفيدها هال50 اللي نصبتها عليكم وخذتها !!! الله لا يوفقها عاد اليوم مريت صوب محلها صراحه خلاجيييييييين واذا لقيتي شي حلو حده حده حده مايسوى
