السلام عليكم بنات انا وايد عانيت من المرض وابي كل وحدة عندها نفس الاعراض تسوي تحليل عشان مو بالساهل يسوول او اغلبية الدكاترة ما يعرفونه وانا عن نفسي لفيت كل الدكاترة وكل التخصصات بعد 6 اشهر من المعانات وبعد كل يوم يمر علي احس اخر يوم بعمري كنت احس بدوخة وترجيع وتنميل وخفقان بالقلب مخيف وكل مرة اتجنج وياخدني ريلي الطوارئ ويسولي تخطيط قلب وتحاليل ويقولوله ما فيها شي وارجع للبيت اشتهد حاسة بالموت قريبة مني غير الخوف من كل شي والوسواس والنسيان وعيني وايد تعورني وريولي وجسمي كله مكسر وكان حسبالي اكتئاب والدليل كنت حاطة موضوع هني سويت رنين للرأس والنتيجة ما كو شي رحت عند شيوخ يقرون علي واقرة سورة البقرة كل يوم وبعد سويت تحليل للغدة ما في سليمة واخر شي اكتشفت بالصدفة رحت دكتور ولدي عنده مراجة برويال حياة قلت له على الاعراض وقال لي اكيد عندج نقص بفيتامين دال نزلي تحث سويلي تحلييل وبعد 5ايام دق على ريلي يقوله عندها نقص حاد بفيتامين د وكل الاعراض لي عندها عشان ما تتعرض للشمس سبحان الله منو يقول كل هدا يصير فيني بسبة القعدة بالبيت لاني ما كنت اطلع وايد بالشمس ولا طلعت لابسة من فوق لا تحث والحين اخدت ابرة وكل شهر وحدة لمدة 3 اشهر تكفون لي عندها نفس الاعراض تروح تسوي والله ما ابي غير الاجر ودعائكم لي بالشفاء واي استفسار انا حاضرة
انا فيني وطلعت نسبته 8 ناقص حييييل واخذت حبوب بس ماكو فايده بس الابر مالقيت ممكن تقولين من وين الله يجزاج خير
مشكورين بنات على الردود ام وهج وايد اهو اقل من 50 يعتبر نقص حاد لانو المفروض 100 حبيبتي سمعت يعطونها بالمستوصفات بس انا ما رضيت اغير الدكتور عشان اخدها بلاش قلت خليني على دكتوري احسن اهو عارف الجرعة لي لازم اخد والدكتور اسمه عبد المحسن التركي برويال حياة اهو اصلا دكتور ولدي عشان سواله عملية للوز ولحمية رحت له واهو لي طلب مني التحليل يوم سويته طلع 5 وصفلي ابرة بالشهر والابرة ب20 لمدة 3 اشهر حبيبتي انتي شنو الاعراض لي عندج وشنو الحبوب لي تاخدين؟؟
السلام عليكم حبيت افيدج ام وهج انا كان عندي نقص حاد بفيتامين د وصفلي الدكتور ابر فيتامين د لمدة سنه كامله كنت اراجع وقتها مركز شيخان الفارسي للغدد وماكانت موجوده الابر بالحكومه ونصحني اشتريهم من مصر بس اتوقع الحين متوفره بالمستوصفات والمستشفيات
هلا ام ايوب مشكورة حبيبتي دزيت لج عالخاص اخاف ما ترجعين للموضوع وابي اعرف منج متى تحسنتي عالابر لاني اخدت اول وحدة وللحين نفس الاعراض
الله يشافيكم . انا صار عندي نقص والنسبه كانت 29 % واخذت 4 ابر لمدة 4 شهور وكل شهرين اسوي تحاليل بشيخان الفارسي والحين اخذ حبوب الكالسيوم . بس صج هالمرض مثل ماقريت عنه يؤدي الى الموت . ولازم نتعرض لمدة ربع ساعه 3 مرات بالاسبوع مثل ماقال الدكتور . وسلامتكم
مشكورة ام عبد الله نورتي الصفحة والشر ما ييج حبيبتي مانجوس انا عندي 5 وعطاني 3ابر غريبة كل دكتور يعطي العدد من كيفة غريبة والله ومتى اتحسنتي نفسي احد يرد علي تعبت من المرض دناديش اسبابه الله يسلمج وينجيج منه ما نتعرض للشمس والناس هني كله من السيارة للبيت يعني ما نقعد بالشمس وقت كافي
