السلام عليكم......... اشلونكم........... سالفتي امبينه انا احب الفلوس :teeth_smile: وتوني داشه الكليه ويبون مثل ما انتو عارفين اينزلون اعانه 100 دينار اهي نعمه >>>>>ااخ لو يزيدونها <<<<< المهم انا قلت المبلغ مو قوي حييييييل لكن لو استغليته بيصير مبلغ فاللي عندها فكره اشلون استغل الاعانه الله يجزاها خيييييير ............... ادخر المبلغ ولا شلون الصراحه ابيه يتكاثر يتكاثر يتكاثر يتكاثر يتكاثر:red_smile: شسوي اعذروني احب الفلوس خعخخخعخع >>ابوي يقولي انتي طالعه على منو العايله ما فيها احد يحب الفلوس نفسج :75_75:>>المهم نفس ما قلت القو لي حل ........طبعا
حبيبتي انا يمكن اشد منك ومن جد الحين اللي معه يسوى واللي مامعه مايسوى وانا مو هذي نظرتي ومااحبها ابدا بس العالم صاروا يتعاملون من هالمنطق ،واكيد انك راح تحبين الفلوس لانها هي اللي تجيب لك كل شي وتونسك المهم فيه كثير اشياء تقدرين تسوينها على شان تدخرين لك مبلغ و هو انك تفتحين لك حساب بالبنك بس بدون بطاقة صراف وتصيرين تحطين فيه كل شهر مبلغ معين انتي تحددينه وبكذا راح تقدرين تمسكين نفسك ، او أنك تدخلين جمعيه مع ناس ثقه وترتبطين فيهم والمبلغ اللي تاخذينه ماتصرفينه طبعا لا تجمعينه وبس هذا اللي عندي ان شاء الله اكون افدتك ..
هلا حبوبه اذا تنحبين الفلوس الله يعينج شكلج بتبخلين على نفسج المهم حبوبه قسمي فلوسج يعني ميزانية تعبئة الرصيد/ميزانية الاكل بالكليه/الكتب وهكذا انشاء الله تقدرين توفرين
كلها ميه وتبين تدخرينها مدري تجمعينها حبيبتي راح تطير بعدين عيشي يومج بالله جمعتيها ومتي بعيد الشر وبعد عمر طويل ان شاءالله وش انتي مستفيده والله عاد انا عكسج احب اصرف على نفسي وادلعها علآخر <<<< وآسفه علاطاله
نصيحة تصدقي منها وراح يبارك الله لكي فيها والله اني جربتها سبحان الله مانقص مال من صدقة مجربة فايدة الصدقة وراح يبقى منها جربي وادعيلي بالتوفيق
ههههههههههههههههه ضحكتيني و الله و بصراحه شكلج بخيله ؟؟؟ يبه اصرفيها و استانسي و عيشي حياتج باجر بتموتين و تخلينها أنا كنت أصرفها من تنزل على طووووول ترا كلها ميه شتخشين و شتخلين
تكفين انتي تروحين الجمعيه تصرفين اكثر من ال100 دينار يبا الدنيا غاليه 000 اوكي خشي 50 واصرفي 50 اذا قدرتي000 يا اني مستحيل اخش
هههههههههههههههههههههههههههههههههههه انتي بخيله من تنزل اعانتي اروح السوق ماارد الا فيها 5 دنانير بس وكله خرابيط الفلوس مافيها بركه
100 دينار؟؟؟ انتي عندج دخل ثاني تصرفين منه او بس طرق الاعانه؟؟؟ يعني اشلون تصرفين اذا خشيتي الاميه....؟
