السلام عليكم ابي كل من يدش مو ضوعي يعلمني شلون اصير عوووبه واخذ حقي من كل من ظلمني ابي طلع لهم الويه الثاني لان الطيب والمسامح في هذا الزمن صار اهبل وما عنده شخصيه وحقه مهظوم والعوووبه وطويلة السان يسوو لها الف حسااااب وحساب وطلباتها اواامر الدنيا عطتني طرقاااااات وااايد الحين اجا دوري ارجع الطراق طراقين رجاء مابي تطنز الي تقرا موضوعي ومو عاجبها ترفعه ولا داعي للتجريح والي تحب تفيد اقولها شكرا
والله يا حبيبتي صح كلامج بس انا من رايي اعامل الناس بطبعي وتربيتي واخذ حقي بأدب من غير لا اجرح احد أحسن من اني اكون ام السان وقليله ادب لان انا دايما افكر بالشي اللي يرضي ربي قبل لا يرضي الناس لان رضاهم غاية لا تدرك الله يعيينج يا قلبي ....
نصيحه مني رددي دائما ... لاحول ولاقوة الا بالله .. واذا حسيتي انك مضايقه من احد او فيه ناس جارحينك ومقهوره توضي وصلي ركعتين وقولي كل الي بخاطرك وانتي ساجده وابكي بعد والله العظيم راح تحسين براحه نفسيه ولا تفكرين تغيرين من طبعك عشان احد ترا مافيه احد يستاهل واذا فيه كم وحده شايفتك ضعيفه ترا فيه ناس واااااجد يشوفونك مؤدبه ومحترمه
جبتيهااااا ع الجرح عورتي قلبي أنا مثلج الدنيا ما عطتني طراقات لا الا بو**ات ودي أصير عوووووبه بس ما اعرف ودي إدش دورررره بس سبحان الله أهلنا ربونا ع التسامح والطيبه وكل شي طوفي وسوي خير وقطيه بحر بس هالناس مايبون جذي يبون ألعوبة والا إحنا لا قامو قالو لا عادي ولا هاذي خبله ابي اتابع موضوعج يمكن نلقي حل ومووووووفقه
اليكم هذة النصيحة خذوها وادعولي ؟؟؟ ضحكت فقالوا ألا تحتشم بكيت فقالوا ألا تبتســـــم بسمت فقالوا يرائي بهــا عبست فقالوا بدا ما كتــم صمت فقالوا كليل اللسان نطقت فقالوا كثير الكــــلم حلمت فقالوا صنيع الجبان ولو كان مقتدرا لانتقــــــم بسلت فقالوا لطيش بـــــه وما كان مجترئا لو حــكم يقولون شذ وان قلــت لا وإمعة حين وافقتهــــــــم فأيقنت أني مهمـــــــا أرد رضا الناس لابد من أن أذم
والله انا اتمنا بصرااحه اكون عووبه بس عرفت ان الحقراان صج يقطع ال**ران ابتساامة ونظرة يموتون لاتردين حتا لو الشي نرفزجج ابتسمي يمووتوووون والله ولاا تحترمين نااس مايحترمونج افرضي احتراامج بس مو بقله ادب يعني مو مجبوورة تقاابلينهم ولا تسمعين شي يغثج فهمتي علي
صراحه.......الحريم امرهم غريب من قال انه العوبه ام لسان حظها قايم؟بالعكــس الناس كله تعوذ منها وتنحاش منها احترام لنفسهم مو خوف منها عمرها قلة الادب ما جابت الاحترام للانسان كل واحد يعامل الناس بأصله وتربيته ويخلي الباجي على رب الناس هو اللي ياخذ حقج منهم عيل اشلون ربي يمتحن صبرج وايمانج اذا كنتي عوبه وتاخذين كل اللي تبين غصب؟برايي خليج على مبدأج وحطي لنفسج مكان بينهم بقوة شخصيتج مو طوالة اللسان اعوذ بالله
صحيح كلامج ميه ميه والله حبيبتي رضا الناس غايه لا تدرك انا طيبه ومسامحه وراعي ظروف الغير بس هم استغلو طيبتي واشوف الي ما تحترمهم ولسانها طويل طلباتها اوامر ولها الف حساب وحساب
كن مع الله ولا تبالي ما في احلى من القلب الطيب والانسان المؤدب عشان منو تغيرين طبعج يعني بتصيرين حقودة ولسانج طويل والكلمة تردينها بعشر صدقيني الي جذي ما في احد يحب قعدتها ولا السوالف معاها والكل مو يحترمها الا يتحاشها باختصار بتكون منبوذة خلج على طبعج والدنيا بخير وسوية خير ولا تقطينة بحر على قولتهم لا احتسبية عند الله والله بيعوضج موفقه
والله انا مثلج جم مره اقول بصير عوبه واللي تقط علي كلمه اقط عليها عشششر بس سبحان الله كل مااشوف يقطون علي كلام اتضايق واسكت وجني ما سمعت مع اني قلت خلاص لازم اصير عوبه لان هالاشكال ما تفيد معاهم غير جذي حتى اذا رديت مااعرف ارد عليهم ... ماشالله اهم باللسان والعوابه ماخذين شهادات امتياز عليها. عاد بعدها قلت دامني مااعرف ارد اعطيهم ظهري وامشي .. والله صارلي سنه ونص وانا بس سلام بينا حتى اهم انصدمو مني .. كل مااجونا سلمت وقمت من مكاني ماا اعطيهم فرصه يقطون كلمه ولا حتى نقزه . اذا ماتعرفين تردين عليهم عطيهم ظهرج وامشي .
شوفي حبيبتي انتي مثلي وهذا طبع مانقدر نغيره من الى ..فجأة ... اصلا اذا صرتي طويلة الساان اول وحدة بتكهرك هي نفسك وماراح ترتاحين ابد.. بس : بإمكانك تاخذين حقك وتردين باحترام.. طبعا كوني احس انك نفسي .. فردي بأدب بس المهم تردين مو تسكتين ... يعني احترمي المشااعر واحترمي كل الناس واحترمي نفسك قبل بأنك تكوني خلووقه وردودك موزونه ..ومافيها غلط ابدا على احد... يعني اذا وحده غلطت عليك ..مو تهبين فيها او تسكتين .. لا قولي لها ام فلان الله يعافيك ترضين احد يقولك نفس الكلام اللي قلتيه لي؟ هني انتي بترتاحين وهي بتحس وبتحسب لك حساب .. انا احاول في هالطريقة لاني بها ارضى عن نفسي اما عووبه وملسونه فلا ..ماراح ارضى عن نفسي ابداا.
السلام عليكم حبيبتي اتبعي المثل القائل عامل الناس بما تحب ان يعاملوك به اي عامل كما تعامل وصج الحقران والترفع عن الناس التافهة انصحج تسوين يوغا ولله تكشفين الناس على حقيقتهم انا يقولونن عني مغرورة ومتكبرة وقوية بس تدرين منو هذولي الي ما قدرو يستغلوني اما الي يحبوني يقولون ما في مثلها كوني انتي وخلي لج ويهان ويه الخير مع الي تبيلج الخير وويه الشرمع ضعفاء الننفس ترى الطيبة غباء لانها ما تنفع بكل الامكان يعني التعميم غلط ونصيحة اهتمي بنوعية البشر مو بالكمية صديقة وحدة وفية احسن مليون مرة من عشرة حاقودين
للللرفع عندي قاعدة وحدة : اللي ما يعجبنى الكلام او الموقف اللي يصير قدامى سواء عند الحموله او الدوام او مجلس حريم . ارد بنفس الوقت وبركادة ومن غير انفعال بصوت واحد بدون تردد او تاتا . ولاتنتظرين اللي قدامج يعلق ع ردج . صدى بوجههج ., ولا تعقبين علي كلامج خليج ثابته ولا تكثرين كلام . اذا مشيتي علي جذى صدقيني راح تدعيلي .
