حطي ايدج بايدي وخلينا نجهز جنطة حجياتنا اليدد (حج 2011)

(اللهم ارزقنا حج بيتك الحرام)

السلام عليكم ورحمة الله وبركاتة:shades_smile:

بما ان موسم الحج قرب ، ياريت نتعاون ونساعد بعض باعداد جنطة كاملة متكاملة للحج ،نستفيد من كل غرض ناخذه معانا .. وجان زين يفيدونا الحجيات من سابق خبرتهم بالاغراض الضرورية .. وكلة بميزان حسناتكم .

يسعدني اول وحده ارد على الموضوع

بما اني ولله الحمد حجيت من قبل عشر سنوات

واهم شي انج تنسين العطور و الصابون المعطر

وافضل شي تلبسنه الخمار بدال الملفع والعبايه علشان

يسهل عليج المشي وملابس جديده تكون الوانها هاديه

وغير صارخه وماتلبسين شي ملفت للانتباه مثل الذهب والساعات

والجوتي اعزكم الله يكون طبي ومريح


وحج مقبول وذنب مغفور مقدماً

مشكووره أختي أرجووان علي ردج بعد نبي ردوود أكثر خوواتي


والله ياخواتي ماعندي أحد يفيدني شنو أخذ وأول مرره أحج



أنا محتارره جم عبات أخذ وين أحصل خمار خفيف والجوتي الطبي من وين اشتريه



والله ماراح أنسا بالدعاء أي وحدده تفيدني

هـاذي مشاركه أحدي الخوات نقلتها من منتدي ثاني

هــاذي مشاركه نقلتها من أحدي المنتديات


هاذي مشاركه نقلتها من أحدي المنتديات COLOR="SeaGreen"][/COLOR]


* *
هلا بالحجيآت ..


خنقولكم شنو اخذت معآي



الملآبس :


كثرت من الملآبس الدآخليه لان كنت اغير يوميآ ( ستيآن +اندروير )


بجآيم تقريبآ خذيت 4

شورت اسود +بلوزه (تمتص العرق )

فوطتي طبعآ

ليقنز طويل اسود 2 خذيت ( البسه مع بلوزه تحت العبايه )

3 عبي ثنتين عآديين ووحده فرآشه


ملافع قطن + ملفع عآدي


خمآر ( حق العمره والطواف ) شكلي كآن فلم بس الكل كآن لآبس فـ عآدي

بنطلون اسود ..


درآريع قطن عآديه

بدله العيد ..



النظآفه :


ديتول سائل للايدين +كلن** ديتول + ديتول بخاخ للاسطح


سيت من مآركه سمبل طبيه بدون ريحه (ديوترنت +شامبو +بلسم ) من بوتس

فرشه ومعجون

حمآيه من الشمس

ميكب (كحل ومسكرآ )للعيد وهم في ايآم مآنطلع بره السكن فكنت احط ^_^


وكنت مآخذه علوج وحلآو بجنطتي وو كآمرتي ونظآره شمسيه

ونزلت بالايبود قرآن وانآشيد بدون لحن وو برآمج دينيه

حق البآص بطريج

**

الله يتقبل منك ياقلبي لاتنسين تجيبين لنا صوغه:teeth_smile:

اخذي عبايه 2 خذي مسكنات بندول خافض حراره عشان الجو وبعد فيتامين سي ولصق جروح وووو معقم للايدين راح تلقين يوفرون لك بس عشان تكون خاصه لك واخذي اذا تحبين بابونج هذا الليبتون او يانسون الشي اللي يريحك
واخذي وساده حقت اسناد الرقبه عرفتيها عشان تريحك بالباص
ووومسك بعد لاتنسينه وان شاء الله تكون الحمله زينه ويوفرون لك كل شي

حبيبتي كل ماتذكرت شي بدخل اكتبه

هلا والله أختي وترر

شنوو صوغه ههه اعذريني ماعرف اول مرره أحج

يلا أخوواتي شدو حيلكم أي وحده حجت تدخل تفيدني وتفيد خواتنا الحجيات

والله أنا أرووح ألتحااق بحمله الله يعينا علي الطرريق

حجه مقبوله مقدما
ويارب يبلغنا الحج ان شاء الله
البنات ماقصروا
الصوغه هديه من المكان اللي تسافرين له وهي كلمه معروفه عند كل الخليج