السلاام عليكم يا اخواتى . بالله عليكم دلونى على كريم او زيت ينعم الشعر . لانى تعبت وانا اعانى مع شعر بنتى واستعملت لها زيوت كتيرة بس ما قدر استعملها ماسكات لانها ما ترضى انى الف شعرها بالبونيه .والحين استعملها زيت تراشوب وهمتاج وعافية وصبار وسمسم وحلبة وحبة البركة مع بعض بس احس انه مافى تحسن وتعبت ادور على زيت او كريم فى كل المنتديات . هى عمرها 3 سنوات وشعرها من قدام خشن وورا ناعم وناشف جداجدا احسه باهت ومقصف والله تعبت نفسى فى زيت او كريم ينعم شعرها . بالله عليكم اللى عندها اى فكرة عن حاجةتنعم الشعر لا تبخل عليا ويارب لاتشوفو الحيرة والمعاناة اللى انا فيها وربنا يجازيكم الف خييير .:cry_smile:
حبيبتي الي قاعده تحطينه حيل حار على شعرها ترى كثرة الزيوت تحرق الشعر افضل زيت خصوصا لعمرها ولما تكبر بيتعود شعرها عليه غسليه بشامبو بيبي جونسون بعدها مسحيه خفيف في تونك فازلين يجنن وبتدعين لي وظفري شعرها مو لازم شباصه خليها تنطلق شتري لها اشكال حلوه وشباصات على اشكال ووديها السوق قولي اختاري عشان احطهم لشعرج وصدقيني بتحطهم ولا تكثرين زيوت نصيحه ترى يحت ويطيح الشعر انتبهي
هلا اختي . . . عندي نفس مشكلتج مع وحدة من بناتي ربي يسلمها اعتمدي لها الحنة وحطي لها شوية عصرة ليمونة هالشي بالصيف مو بالشتاء الحنة وبعدها غسلي شعرها بماي بس وزيتي شعرها بزيت عافية + شوية جوزة الطيب وشوية حلبة حطي هالزيوت بغرشة وخليهم اسبوع وبعدها استخدميه وبعد ما تزيتين شعرها اغسليه بشامبو اطفال استمري لكن الاهم انج تتقبلين شعر بنتج كما هو واعملي لها تسريحات تناسبه
مشكورات خواتى وتر وام عبد الله وانشاء الله بتقبل الامر وبعتنى بها والحمد لله على كل حال بس انا افكر كتير وندمانة لانه كان نااااااااعم وانا قصيته لها بموس الحلاقة وصار خشن والله احس بالذنب .
لا تندمين انتى ما قصدتى انتى امها واكيد تبين لها الخير ... وان شاء الله بتكبر وتروح الخشونه ونفرحين فيها عرووووس ياارب
الله يخليكى يا بنفسج ويحفظكم يا خواتى من كل شر انتو واولادكم يارب والله خففتو عنى كتير بردودكم الطيبة ربى لايحرمكم السعادة انشاء الله
هلاا اختي الله يحفظ لك بنووتك وتشوفيها احلى عرووس شوفي يالغلا ,, مافي احسن من زيت النارجيل على الشعرر وحاولي تستقري على زيت واحد احسن
الله يخليكى ويكرمك بالخير دايما يا ليدى سويرة . فعلا انا بفكر استخدملها زيت النارجيل بس رحت الجمعية وما لقيته بدور عليه عند العطار . ويار ب يجازيكم الف خيييييييير يا خواتى على ردودكم الطيبة
السلام عليكم ،، والصلاة والسلام على أشرف الأنبياء وخاتم المرسلين . بداية بالنسبه للشعر الخشن وللصلع ماراح ينفع إلاّ وزر البكره عشان وزرها بعد الله راح تبيّن نتايجه بعد فتره بسيطه . ودمتم بحفظ الله ورعايته
