السلام عليكم اخواتى :cry_smile: وربى انا فى معاناة كل يوم مع بنتى عمرها سنتين ونصف وشعرها مقصف وجاف جدا فى مقدمة الراس وعشان اصففه لها لازم تبكى وتخاف وتجرى وما تبينى المس شعرها ياريت اى زيت او كريم لعلاج جفاف وخشونةالشعر يارب اللى تعرف الله يحقق لها اللى بتتمناه ويحفظها هى واولادها من كل شر يااااااااااااارب بالله عليكم ساعدونى لانى بالجد مليييييييييييييييييت وبفكر اقصلها شعرها ع الزيرو وكرهت الخروج لانى بضل ساعات بس عشان ترضى تسرح شعرها :cry_smile:
دهني شعرها بزيت الزيتون وخلية فيها لمده لا تقل عن ساعه و بعدها غسلية بشامبو صن سيلك الأصفر و استخدمي و انتي تمشطين شعرها كريم صن سيلك الوردي أتوقع جنة على حنة عشان ما يعورها استخدمي المشط اللي أسنانة كبيره و بعيده عن بعض بعدين كيفج مشط عادي أو فرشه وكل شهرين أو ثلاثه قصي أطرافه وفي قريت بالمنتدى كاتبه الأمير بشاير وانتي تمشطين شعرها قولي ماشاء الله ... جربي و ادعيلي
اي نسيت أقولج بعد زيت الخروع الأصلي تلقينة جااااااامد حيل ولزج انتاج بريطانيا أو زيت جوز الهند(النارجيل )و الأصلي اسمه بي سي سي عند الحواج لون العلبه بنفسجي اختاري الزيت اللي متوفر و استخدمية ومع الشامو و الماسك هم سن سيلك بالزيت الزيتون و الزيوت اللي قلتلج و الكريم بيطلع شعرها يجنن وعطيني خبر
هلا اختي . . . اختي الحلوة ما قصرت ويقال بأن نبتت الصبار (الالوفيرا) حلوة للشعر تنعمه وتكثفه اشتري نبتت صبار واخذ من ورقها وافتحيها بالنص بتلاقين مادة مثل الجل اكشطيحها بالسكين وحطيها بالخلاط او بصحن واخلطيها مع اي زيت يكون اصلي وحطيه ع شعرها مدة ساعة وبعدها غسلي شعرها وداومي علي هالخلطة -------------- وفي حل لسالفة الطلعة ورفضها انها ما تمشط شعرها سبحيها واهي تلعب بالماي مشطي شعرها طبعا مو دايما هالحل لكن اذا لج خلق وربي يصلحها يارب
بارك الله فيكى يا ام عبد الله ويحفظلك اولادك ................بس والله الاستحمام والتسريح نفس الموضوع بكا وصراخ والله تعبت معها مع انى معودتها على الاستحمام من وهى بيبى بس ما عارفى شو اللى حصل واتغيرت يمكن لانى حملت وهى عمرها سنة وفطمتها ما ادرى .......
حبيبتي زيت زيتون رووعه وجوز الهند الاصلي اخذيه من المعصره ويكون ثقيل والصبار بعد روووعه مثل ماقالت ام عبدالله وبوسط الصبار حطي حلبه بعد حلووه للشعر وان شاء الله يصير شعر بنتس حلو وناعم وتريحك ربي يحفظها لك اي صح حطيلها حنه ينعم الشعر حلو ويخلي لونه يهبل
مشكووووووووووووورة يا وتر يا حبيبتى بجرب معها الزيوت بس الحنة مو الحين لماتكبر شوى . تسلمى ويارب يستجيب لدعاك ويصير شعرها ناعم
