هاااي بنات اتمنى اكون خفيفة عليكم لان هذي اول مشاركة لي انا فصلت مرة بدلة كلفتني مبلغ وقدرة وبعدها بفترة لقيتها بالعربيد مو بنص السعر الا فرق كبير لقيتها ارخص
اعرف خياطة بالجهراء حلوة هندية واسعارها حلوة وتضبط الموديل اسمها بوسبا بس ناسية اسم المحل حق بنات الجهراء هو يم مشغل ذا بست يعني بعد مكتبة تناتيف
مرحبا بنات انا جديده بالمنتدي،، حبيت الموضوع وانا عني ما افصل الا عند خياطه فلبينية بالفحيحيل بمجمع سلمان الدبوس اسم المحل ديرة السلام واهي اسمها استر شغلها رووووعه وراح ترتاحيين حيل معاها وهذا راي بعد تحربه لمده عشر سنين معاها شغل رااااقي
لاهل السعودية وتحديدا سكان المنطقة الشرقيه خياط بناتي با**تاني لكن شغله عدل ويبيض الوجهه واسعاره حلوووه 700 ريال الفستان لا يطوفكم
بالنسبه لي ماعندي خياط ولاخياطه انااخيط ملابسي واصممهم عشان انادارسه تصميم وخياطه مع د يبلوم خياطه وتسلمين على الموضوع
بصراحة اكثر خياط شفته يفهم ويضبط الشغل خياط جمعية القرين بس والله مومثبتة اي فرع يمكن فرع قطعة 5 بس ماشالله عليه يفهم بس تعطينه الصورة اهوا يقوم يشرحلج بدال ما تشرحين له انا مرة وديت له كتالوج محل ريفا والله سوالي اياه بالضبط حتى عماتي ماصدقوا انه موجاهز وبعد مرة رفيجتلي سولفتلي على خياطين منطقة الصليبية تقول ان كان عندها نفنوف عرس كانت بتضيقه ودته الخياطين القراب منها (اهيا بالقيروان ) وماعرفوله بس لمن ودته حق خياط قطعة 6 مادري 9 بالصليبية سواه لها بروفشنال بصراحة أحسن من المحل وانا حضرت العرس وشفته ماشالله عليه وبالنسبه للأسعار الأثنين اسعارهم حلوة يعني خياط القرين انا بصراحة خيط البدلة الوحدة بين ال5 و8 دنانير على حسب الشغل
