السلام عليكم اشحالكن خواتي عساكن بخير وسهاله بغيت خدمه منكن انا بنزل الكويت يوم السبت تاريخ 28-4-2012 وهاذي اول زياره لي للكويت بغيت اعرف الجلابيات الصيفيه اللي هي ماركه doctor وين احصلها وبسعر زين وبغيت اسامي محلات للجلابيات والدراعات الرجاء الرد بسرعه في اسرع وقت مع العلم ان زيارتي للكويت يوم واحد بس من الصبح لين الليل وجزاكم الله الف خير وجان بغيتن خدمه من الامارات انا حاضرة
هلا ومرحبا فيك بتنورين الكويت كان ودي اساعدك بس ان شاء الله البنات يفيدونك وأبي منك طلب من الامارات توصلين سلامي لهل الامارات عسي الله يحفظها
انا بصراحه شفت الجلابية عند ربيعتي هي ميني جلابية ومكتوب على الاستكر اللي وراء doctor بس اظن المحل اسمة الرحيل
حبيبتي تنورين الكويت بس دراعات الميني متوفره بكل مكان بالكويت وحتي بالمنتدي تلقين تاجرات يبيعونهم اما بخصوص اسم الدراعه ماسمعت فيه واتوقع يكون اسم التاجر او التاجره ،، وموفقه خير
اي اعرفها هذي صناعه سوريه حبيبتي تلقينها في سوق الكويت مقابل سوق المباركيه ياكثرهم كل السوق هالماركه صناعه سوريا وفي دبنهامز ومحل بالافنيوز يجنن تلقينه بالدور الاول نسيت اسمه بس اهو جدام محل Gapالمحل مميز كله بجامات بس روووعه روووعه ومنهم قصير وطويل
