السلام عليكم ورحمة الله وبركاته.........وبعد خواتي موضوعي عن ترتيب البيت كل يوم؟ ابتكلم عن نفسي أنا بالمره مافي نظام تعبت وانا ارتب كل ماارتب عيالي يعفسون البيت الله يحفظهم أنا ماالومهم لانهم صغار المهم قررت أني انظف بالأسبوع مره علي شان ارتاح ويرتاحون 'يالله الحين ابي الأمهات والبنات السنعات يسدحون لنا برنامجهم وأفكارهم بترتيب البيت وشكراً ......،...،.......انتظر ردودكم للمنفعه العامه
هلا اختي ام هاجر . . . برايي للام اللي عندها اطفال انها تتبسط في اثاثها خصوصا في غرفة المعيشة اليومية الصالة يعني تكون غرفة المعيشة اثاثها بسيط كنب سهل التنظيف والا جلسة ارضية او متوسطة الارتفاع وستارة وطاولة وبسسسسسسس يعني بسيطة جدا للحياة اليومية ما تنعفس بسرعة لان مافيها شي صغير او قطع صغيرة يلعبون فيها الاطفال ويعفسونها . . . وغرفة الضيوف تبقى مغلقة عن الاطفال ولما ينامون تقدرين تفتحينها وتقعدين فيها مع زوجج جاي قهوة . . . غرفتهم نفس الشي يكون لهم بو** كبير لوضع العابهم فيها خل يعفسونها مو مشكلة لكن لما يخلصون لعب وتحين ساعة نومهم يشلون العابهم بالصندوق . . . والتنظيف يكون بالمسح اليومي لقطع الاثاث + مسح الارضيات بديتول اللي بروائح عطرية . . .
السلام و الرحمة .. أنا بالنسبة لي اسم الله عليهم بنوتين الكبيرة 7 سنين و معلمتها عالترتيب و الثانية سنتين تلعب و تعفس و الترتيب سهل و سريع و السبب أن عندهم غرفة خاصة للعب مقابل غرفة النوم حاطتلهم فيها غنفة كبيرة و كرسيين هزاز و تلفزيون و دي في دي و الألعاب في بو**ات بلاستيك الملونين ملوت ايكيا . بهالغرفة يطالعون و يلعبون و يعسفون و بنوتي الكبيرة تساعدني تشيل الألعاب و ترتب الكوشيات و أنا أكنس و بس . باجي البيت مرتب ماشاء الله لأنهم يقضون وقتهم بغرفة الألعاب ما يعفسون مكان ثاني .
