مرحبا ياحلوات المنتدى .... يصراااحة إللي تبي تفصل بدلات عادية أو بدلات سهرة تروح لخياط ( ريم العرب ) بإدارة منير إللي فوق مكياج المنصور .. بصراحة أنا وخواتي فصلنا عندة لعروس إخواني وعيال إختي والكل إنهبل على فساتينا ومو مصدقين إن هذا شغل منير علبالهم عند مصمم ..وأنا بصراااااحة ضد الروحة للمصممين لأن ماعندهم إلا النصب والإحتيال يعني يستغلونا عالمكشوف وترى كل تصميماتهم من الكتلوجات .. عاد أنتوا خلكم أذكى منهم وبطلوا الكتالوجات وصمموا على كيفكم لا تخلون هالمصممين يخبلون فينا يغرونكم بكلامهم ومسوين روحهم فااهين وهم ماعندهم إلا الدجة الجوووووري
مرحباااااااااا و الله انا اخيط نفانيف السهرة عند واحد هندي عند خياييط الصالحية معروووف اسم خياطة عروس الكويت وايد حلو و يضبط النفنووف عدل عدل ييبيله الصورة من الكاتالوج و لاتحاتين و يييبيله الخام و بس و توكلي على الله اما اذا تبين شغل جاكيتات و نفانيف عادية في خياطه بالفروانيه ورا مجمع مناور بعمارة يديده توها مافي احد سكن فيها و الله شييييييييييييي و حتى اسعارها حلوووة لايكووفكم
السلام حبيباتي والله انا متوهقه عندي عرس بنت عمي مو لاقيه ثوب حلو امانه الي تعرف تقولي وجزاكم الله خير
مرحبااااااااااااا حبيت افيدكم احسن خياط تعاملت معاه و يكون مظبوط من ناحيه القصه والقياس خياط الدارمي والعدواني بشارع الجهراء داخل الكويت ويالنسبه للجهراء خياط شار خلف مجمع واره قصتهم نظيفه والقياس اوكيوعندهم بدل سهره
شخباركم بنات انا اعرف خياط زين بالجابرية اسم المحل الدانة جربته وخياطه حلو ومرتب بس ابي منكم تعرفوني على بنات يبعون جنط واحذيه حلوات ومرتبات وعليهم اسماء الماركات حتى لو مو اصليات ومشكوريييييييييين
مشككــــــــــــــــــوره صاحبة الموضوع والبنات اللي شاركونا بتجاربهم مشكورين خاصة وان السوق هالأيام موشي وغالي عالفاضي
السلام عليكم بنات الله يعطيكم العافية بنات انا اختكم كويتية عايشة بالسعودية وابي افصل لعرس اختي جريب بشهر سبعة دايما افصل بالرياض والخبر والبحرين بس هالمره ابي افصل بالكويت ابي اغير و ابي شئ مميز شرايكم بخياط اديب اللي بالفروانية وصبحي التركي ياحياتي ساعدوني وين احسن مصمم انا ماتهمني الفلوس بس ابي شئ مميز يعني حركات وقصات وشوارفسكي خواتي فصلوا عند اديب بس مادري عن شغله وبعد فيه بنات مدحولي عشتار اللي بالنقرة اتوقع هذا اسمه تكفون بنات وين احسن الخياطين اوالمصممين او المصممات تكفون ساعدوني لاني ماراح اطول بالكويت ابي افصل وارجع ياحياتي لا تطنشوني وشنو احسن المصممين والمصممات بالنقرة والجهراء
