بسم الله الرحمن الرحيم هذه اول مشاركة معكم اتمنى تنال اعجابكم طبعا العنوان واضح انها بسبوسه بس بدون مبالغه الذ بسبوسه تصلح للتقديم اهم شي التقيد بالمقادي والطرررريقه كوب كريمة خفق يعني علبة علبة زبادي العاديه علبة قيمر او قشطه كوب ونص سميد -مخلوط معاه ملعقة مسح بيكنج ونص م ص فانيلا نص طوب جوز هند 3/4 كوب سكر ربع كوب زيتا خلطي المواد الجافه مع بعضها والسايله بروح عشان تنعم ثم اعجنيهم سوا ادهني قوالب الكب الصغيره زبده او سمنه زيت لا صبي ملعقة وسط مملوءه في كل قالب ويكفي بالضبط قالبين كل قالب 24 ريحيها 10 دقايق تنخبز بالفرن ربع ساعه ومو مهم الوجه يتحمر حيل اهم شي ما تنحرق لانها تتقدم مقلوبه احلى وممكن تكون حفره بالنص بسيطه بس مو مهم بتنقلب بس تطلع اسقيها كل قالب ملعقة وسط من القطر او الشيره وانسيها ربع ساعه وطلعيها بالراحه واتركيها شوي وصفيها وزينيها بالفستق المفروم القطر او الشيره كوب سكر نص كوب ماي شريحه قشر برتقال او ليمون تطبخ على النار وبس تغلي خففي النار واتركيها 10 دق بس وبس تسكرين عليها اضيفي لها ملعقة وسط سمنه او زبده وذرة فانيلا وعليكم بالعافية:regular_smile:
يعطيج العافية قلبي ........حبيت أسأل أنا ما حب جوز الهند ييبلي حساسية ممكن احذفة بمعنى ما تتأثرالمقادير ؟ وشكرا تقبلي تحياتي --شهرزان--
اهلين غاليتي شهرزان نورتي موضوعي حبيبتي لا يا عيوني عادي اذا ما تبين جوز هند لا تحطيه انا احيانا ما احط على البسبوسة اشكر مرورك
