هلا حبايبي شخباركم وحشتوني بنات بسالكم الحين عن البنات الي تلبس عباية ومع احترامي لهم العبايه حلوه ورزه وكشخه والمفروض الوحده تلبس العبايه وتوسعها شوي تخليها مرتبهالعباه اصلن تحلي الوحده لكن ليش بعض البنات تشوه هالعبايه تلقينها ماشيه والعباية والله اني ماابالغ ضيقه على الجسم لدرجه كانه مو لابسه الله يعزكم واسفه على هالكلمه مع احترامي لكم شفة وحده من ضيق العباية تواصيف الي تحت...:red_smile:.. طالع منتفخ وربي ماجذب لهدرجه البسي بدله احسن شنو فيها على الاقل في بنات يلبسون بدل وحلوين وانا اسفه على ازعاجكم ولاتزعلووووون فدية قلبكم انا لكن غصبن عني قلبي على بنات ديرتي ولا ابي احد يغلط او يجرح احد منهم:red_smile::red_smile::red_smile:
اصيله شكرا لك عالموضوع وعلى حرصك بان تظهر البنات بشكل حلو لكن بدل ما يبطلوا من لبس العبايه يلبسونها واسعه شوي ما ترص عليهم وتقسم الجسم ولا ايش رايك باللي تلبس بدله بنطلون وبلوزة وتكون ضيقه وحاطه حجاب هذي بعد مش حلوة وشكلها متناقض لك كل الود
انا مع عزف الجروح مو بس العباااايه الضيقه غلط حتى الي تلبس بدل ضيقه وحجااب بعد غلط يعني الحجاب مو بس تغطية شعر له لبس لازم يكون واسع ومحترم ............الصراحه الوقت هذا الناس قامواااا ينعزلون عن الدين في لبسهم الواحد صار يلبس على كيفه ..........واسمحولي ع هالكلام بس هذي الحقيقه والواحد لازم يتكلم
هلا اختي اصيلة ومشكورة على هالمواضيع اللي تمس واقعنا فعلا شوفي أختي هذي مايسمونها عباية هذي دراعة لكن لونها اسود عرفتي لان العباية مستحيل تكون بهالطريقة السافرة والقبيحة يعني اخذي عندج قماش روبي ابو لمعة هل يصلح يكون لعباية وإلا قميص بيت طويل اسود ؟!! والزركشات والزريان هل يصلح يكون لعباية ؟!! والله يا أصلية اللي لابسة عباية ضيجة شكلها قبيح ومقزز وهمن بعد نظام الجينز والبلايز الضيجة وحجاب شكلها مقزز ياحلووووو عبايتنا من أول ام فجتين بس
بصراحه العباية لازم تكون فضفاضة والله انها احشم وارقى حتى وتحس الوحدة ماخذه راحتها فيه اكثر مو ضيقة وعلى فكرة احيانا في منهم اللي مايلبس تحت العباية غير الاندروير ويطلع ليش ماتخافون مثلا تنقطع العباية شنو يسووون بعدها الله يهديهم الشي اللي اسويه دايما بس اشوف وحدة لابسه ضيق سواء كانت عبايه او بدلات ضيقة ادعيلها من داخل قلبي ان الله يهديها بصراحة ماصرت احب اروح السوق بس عشان زوجي ماتمر قدامه وحدة لابسه جذي صرت استحي الله يصلحهم ويهديهم والله مساكين ندعيلهم واللي تقدر تنصح ماتبخل بالنصيحة مشكورة اختي الحبيبة على هالموضوع
يقوا الباري عز جل في كتابه العظيم... بسم الله الرحمن الرحيم... ( يَاأَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا ) (وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوْ التَّابِعِينَ غَيْرِ أُوْلِي الْإِرْبَةِ مِنْ الرِّجَالِ أَوْ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ ) (وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى) صدق الله العلي العظيم.. حبيبتي بناتنا وينهم من كلام رب العالمين اذا العباية صار حالها حال البدلات فيها زينه و لمعه تلفت الانتباه... و الحجاب صار مجرد خرجه تنحط على الراس لا و تطورنا الحين حتى صار الحجاب ناطحه سحاب او برج حمام بالسطح معلق... مع الاسف وصلنا لي هالمرحلة.... اذا الصلاة الي اهي عمود الدين صارت عند البعض مجرد لقلقة لسان... اكثر من خمس مرات نردد " اهدنا الصراط المستقيم" لما نقرا الفاتحه... بس هل يا ترى هذا اهو الصراط؟؟؟؟ الله يهديهم
بصراحة انا من اللي يخصرون العباية بس مو حييل لان نوع جسمي ضعيف واذا اشتريت عباية لازم اضيقها شوي عشان منظري لا يكون مبهذل .. بس فعلا في بنات من الضيق تحسين بتنشق العباية يعطيج العافية غاليتي ع الموضوع الحلو
مشكورا على الموضوع وبصراحه صدقتي في بنات يلبسوون العبايه الله يهديهم ضيق بشكل مو طبيعي ودايم اشوفهم بالجامعه وبصراحه خربوا سمعة العبايه مع اني البس العبايه واحبها ورزه اكثر بس طبعا ماتكون ضيقه جنها ثووب عرس .. وفي شغله دايم اقولها دام لابسه هالضيق قطيها ليش لابستها..
اسفه عالكلمه هذول يسمونهم هيلق لانه بنت الحموله اللي وراها ريال وتخاف على نفسها واهلها ما تلبس جذي احنا ما قلنا لبسي وسيع مبهذل ولا ضيج يبين تفاصيل لبسج لبسي شي مرتب سنع بنات شفيكم كل مالكم تزيدون هلاقه !! وحتى النقاب اعوذ بالله الخد كله طالع وما بقى لون ما انحط شدعووووه!!
