أنه رحت صالوون و حطيت خلطه بشعري لان صديقتي حاطتها بشعرها و تمدحها وااااايد ! الحين لمل ييييت اغسل شعري الريحه مو راضيه تروح !! ولا شي قاعد يفيدني ! مابقى شامبو ماحطيته ! جرربت قهوه تركيه ولا اكو فايده هذا غير البخووووور !! يروووح وقتها لاكن مجرد مايخف تأثير البخور ترد الرييييحه ! صاااارلي شهرين يا نااااااااااااااس :cry_smile:
مثل ما قالت الاخت حطي حنا و قالولي بعد انه البقدونس يروح ريحة الثوم بس ما جربت جربي إن شاء الله ينفع تفوحين البقدونس و تعينين الحنة فيه
هلا اختي حطي حناااء والبقدونس معروف عنه إنه يقضي على ريحة الثوم بالمعدة فجربي طريقة الاخت كريم كراميل وفوحيه وحطيه على شعرج واعجنبي بالماى مالته الحناااا
الله يعينش كسرت خاطري يا عمري بس مثل ما قالوا خواتي الي قبلي حط حنه واستعيني بالله لان كل شي بيده و أمنيات لك بالنجاح
اسمعيني وانشالله ان كلامي بيفيدش اخذي طشت ماي وحطي فيه ريحان ونعناع وخليه باليل ولاجا الصبح اخذي الطشت وغسلي شعرش منه وكملي سبحوش عادي وانشاله ان الريحه بتروح
نفس اللي صار معاي تخيلي كنت معزومه بحفله مابقى شي ما سويته والله افتشلت بعدين حطيت حنه قلت هذي آخر شي والحمد لله راحه الريح وقلت تووووووووووووووووووووبه
حبيبتي حطي على شعرك رشوش وهي عباره عن خلطة عطرية تنباع عند الحريم إلي يبيعون الخلطات و العطور وهم تنباع عند العطارين بس حطي المقدار إلي يكفي شعرك وإخلطيه بالماي وحطيه مثل الحنه وليه ليما ينشف الشعر وبعدها غسلي شعرك سواء بشامبو أوبدونه............
الله يكون بعونج,,,,جربي تغسلينه بسدر وبعدها بخريه وأهو مبلول ببخور الجاونيه(مادري اذا اسمه صح)بس امي كانت تستخدمه مره كل اسبوع يطلع له بخور كثيف وريحته قويه,,,وبعدها عطريه بالعود وكل العطورات اللي عندج,,وبعدها لفيه بكيس وخليه طول الليل(حطيت نفسي مكانج ومالقيت الا هذا الحل اللي ممكن اسويه,,,,,,,,,,,,,,والله يسهل امورج,,,
