مرحبا حبيباتي بنات الكويت بصراحة انا كل ما أدخل محل بشتري جنطة مايعجبني شي مادري ليش اتمنى منكم مساعدتي الي تعرف محل يبيع جناط حلوه موماركه المهم حلوه واسعار مناسبه تقولي عنه عشان الكل يستفيد بعد وراح ادعيلها من كل قلبي وجزاكم الله خير
في محل بسوق محاميد بهبهاني اول محل لما تنزلين الى تحت بالدرج تلقينه على ايدك اليسار والله عنده جناط رررررررررررروعه انا شريت واحد روووووووووعه وواسعه والله محد يصدق انها ب3 دينار كان سعرها 5 قال نزل الاسعار عشان الكميات قربت تنتهي
مشكوره ياقلبي على ردج انا قلت ابي جناط حلوه واسعارها معقوله بس عاد مو حدها بوطقه تكون راقيه شوي وجزاج الله خير على الرد
هلا حبيبتي في بالمثنى تحت جناطهم حلوة بس مو دايما تلقين على حسب انتي وذوقج و guess اللي بمجمع مريم بالسالمية وان شاءالله فدتج لان بصراحة انا جناطي يا ماركة او من بره ما اشتري من الكويت وايد حتى من ماليزيا تشترينهم رخاص وايد 3أو 4 دنانير وبعد ما تشقيقينها تنزل الكويت هههه
والله انا عن نفسي تعجبني جناط >> guess << واسعارها مناسبه وموغالي حيل وراقيه ومنزلين جناط رووعه قبل اسبوعين مريت محلهم اللي بالافينيوو واللي بمارينا دايم حلو ويمدحون اللي بالمطار . وعندج برنس بعض مرات ينزل جناط حلوه واسعارهم حلووه وريفا هم بعض مرات مودايم تلقين عندهم . تقبلي مروري واتمنى اكون فدتج .
هاي حبوبة بصراحة محل استيلا جناطه حلوة والوانها جريئة ومميزة موجود باجيال وكويت ماجيك وهذي الفروع اللي اروحلها بالنسبة لاسعارها هما مناسبة
حبيبتي في الفنيوز محلات وايد انا دايما تعجبني اجناطهم ااقعدي وافتري وفي محل داخل كارفور حلو ورخيص وبعد تلقين ببلازا هذول المحلات فيهم تقليد ماركه والمثنى بعد
