بالله ارجوكم يا بنات الكل يدخل الي يحب الله ورسوله اترجاكم رجاء السلام عليكم ورحمه الله وبركاته بنات انا اليوم ابي اقول شغله عن الاغاني الي عندها اشرطه اغاني كل وحده يمكن عندها درزن اغاني اليوم انا ان شاء الله ابي اخذهم كلهم منج تدرين ليش عشان اخاف عليج يا مسلمه تذكري يوم القيامه وتذكري العذاب العذاب والله وانا اكتب هذا الموضوع وانا خايفه بس لا لازم ما ما اخاف تدرن ليش عشان ابي حسنات شوفو شلون الواحد يبي حسنات ايه انا طمعانه بالحسنات ابي رضا ربي علي بنات في اخر الموضوع الي عندها اشرطه اغاني تدق علي وابدلهم لها بالاحسن منه وهو القران شفتو الفرق بين السماء والارض هذا الفرق بين الاغاني و القران وهذا الشي على احسابي الخاص اشتري اشرطه الاغاني وابدلهم لج قران شوفي انا صحيح ما ادفعلج فلوس بس ادفعلج الحسنات بس والله على ما اقول شهيد انا ابرار والكل يعرفني بالمنتدى اشتري اشرطه القران من حسابي واعطيجياهم بس تعطيني اشرطتج الاغاني خلاص لي متى واحنا ننخدع بالاغاني والخرابيط والركض وراء الفلس لازم نركض وراء الحسنه احنا الي بحاجتها مو اهي بحاجتنا بنات كل الي تبي تبدل اشرطتها تكتب على العام ولا تخاف وتقول جم شريط اغاني عندها وابدلها لهم بالقران والرقم على الخاص والسايق لا تحاتين على والله معنه مو سايقي اجره بس على احابي والله معني لا وظيفه ولا شي والرجال ما يشتغل لان فيه اعاقه بس يمشوله معاش والله ان مصرفي اكثر من مصرف الخدامه بشوي بس ابي استفيد لاني ماني خسرانه شي لان عند ربي ان شاء الله حسنات وهذا الي ابيه الرقم والعنوان خاص وكم شريط عندج اللهم لاتذرني فردا وانت خير الوارثين تحياتي
هلا حبيبتي الله يرزقكم من وسع ويفتحها بوجهك بصراحة انا ماعندي اشرطة اغاني والحمد لله من مبدأ ماأدفع فلوسي بشي انحرق فيه يوم القيامة رفع الله قدرك وآجرك خير الجزاء وأقر عينك بالذرية الصالحة وشفاء زوجك انه قادر على كل شي
تسلمون حبايبي انا ما سويت شي بالعكس هذا واجبي اتجاه ربي واوجهكم حق الطريق الصحيح الي ما في شي اصح منه واذا ما احبكم واخاف عليكم ما سويت جدي والله والفضل ربي ثم الشيخ نبيل العوضي معني ما كلمته ولا شفته غير بالتلفزيون بس كلامه اثر فيني واتمنى اسوي اي شي بس عشان الاجر لي ولكم واشكر الشيخ نبيل على هذا الشي ولما شفته في نوري اكتمل تمنيت اني اكون من هذول الي مساهمين صج ما عندي فلوس بس اساهم باي شي بس ابي الاجر وجزاكم الله الف خير وانشالله يهدي الجميع
ابرار الله يوفقك ويرزقك على حسن نيتك وبصراحه فكرتك وااااايد مفيده واكيد اجرها عظيم واتمنى من البنات اللي عندهم اشرطه يكتبون هنيه عشان غيرهم يتشجع ويكتب واكرر شكري لك اختي ابرار واسأل الله ان يجمعني بك في الفردوس الاعلى
