خلونا نسوي حمله دعايه حق كل دوله زارتها كل وحده منا عشان اللي ماراح المكان يسمع ويتشوق ويروح وخصوصا الاماكن البعيده والغير مألوفه من الدول والجزر =يالله يابنات الصيف ياي ونبي نتعرف على مكان سياحي يديد
السلام عليكم انا من كم سنه رحت تايلند وهناك رحت منطقة شانج ماي بالطياره بصراحه حلوه وجوها عجيب وانصح فيها وعلى فكره تصلح للعوائل
انا رحت ماليزيا ورحت جزر الجزيره الاولي لنقاوي كااانت عجيبه والثانيه بيننق هم كانت عجيبه والجو كان احلى
انا سافرت ايطاليا ميلانو واي عجيبه حق السوق والماركات وفينيسيا منطقه قريبه ماتشوفين ولا سياره كله قوارب تهبل تهبل تهبل و روما الطبيعه والتراث و منطقه بيزا طبعا شفنا برج بيزا الغني عن التعريف والكشكات القديمه الحلوه ، هذا باختصار جدا عن ايطاليا ،
حور القلاف انتي وين سافرتي ؟؟؟؟ ماقلتي لنا انا دي اسافر هالصيف سنغافوره ،، بنات الي سافرت تقولي كل شيء عنها .$
انا كل سنة اصيف في لندن،وكل سنة اقول بغير بس احس بنتماء لها اشتاقلها ولااقدر اروح مكان ثاني مادري ليش.
انا رحت سنغافورة وماليزيا من 6 شهور مع ريلي صح سنغافورة حلوة ونظيفة بس ما تصلح الا حك 5 ايام وهي مدينة صغيرة وتقدرين تقطعين المسافة من شرقها الى غربها في نصف ساعة بالسيارة والاماكن كلها قريبة من بعض والناس كلها في شارع اورشيد واهم الاماكن السياحية ج..........................زيرررررررررررررررررررررررررررررررةسنتوسا, السفاري الليلية وحديقة الطيور’والزهور ،والحي العربي وفيه مطاعم عربية مب راقية يعني نص نص، والقرية الهندية وجربي الاكل الهندي صدق غير لذيذ,,,,,,,,,,,,,,,,وع فكرة سنغافورة غالية الفندق عندهم في ليلة بالف درهم اماراتي,,,,لكن ماليزيا غير وناسة وناسة احلى ايام عمري فيها سبحان الله اقول انا عنها جنة الله في الارض,,,,,,,,,,,
نيوزلندا مدينة اوكلاند واحلى شي فيها مزارعهابالذات (مزرعة ماكدونالدز)التابعة لماكدونالدز وغير الخضرة والطبيعةالخلابة الي تجنن الواحد
انا هالسنه رحت ماليزياا حدها عجييييبه قعدنا فيها 22 يوم وما مليت رحنا كولا لمبوور حدهااااااا عجيبه رحنا جنتنق و رحنا اافاموسه و رحنا جزيره بينق جوهم حلوو حتى شعبهم طيب
بنات انا من المشجعات لماليزيا بالرغم من رطوبة الجو بس الطبيعة واااااااااااااااااااااااااااو / وسبحان الله الأمطار باستمرار ولا تنسون بعد انها تنفع للعائلات .
