والله العظيم التهب جفني صار خشن واحمر رحت دكتوره مني الفارس قالت انتي حاطه شدو قديم او منتهي؟؟قلت مادري امس كان عندنا عرس والسايق يديد وانا ابي الجابريه ضيع شفت بويهيي صالون كلير وسويت عندهم قالت ايه الشدو قديم وسببلج حساسيه؟؟؟والله عااد ان ماكياجهم يلوع الجبد اللي انا احطه بيدي احلي بوايد منهم
انا ارتاح لسوسن ماجيك اللى بخيطان على الشارع العام مقابل الفروانيه اللى تحط المكياج سوريه اسمها سوسن على 15 و20 و25 و30 ومرتاحه عليها لى اكثر من 10 سنوات ولا احب اغير لانى مره غيرت وحطيت عند شيك اللى بالرقعى وطلع بوجهى حبووووووووووووووب والتهبت بشرتى لانه مكياجهم قديم لكن الشهاده لله خطتهم حلووووه اسمها نهله
مانجو مرحبا اختي صالون مانجو حلووووو يعني كشخه؟؟ عندي باجر حفله وبغيت اسئلج اذا كان جد يستاهل يعني خطات شكل عروس يعني اوفر ولا ناعم؟؟ انا احب الاوفر القوي عفيه ردي علي ضروري ولازم حجز ولا عادي؟؟ وحوراء شنو جنسيتها؟؟نفسيتها حلوه؟؟والمكياج معاه رموش وشعر وكريم جسم ولا بس مكياج؟؟؟ بلييييييييييييز ضروري ردي علي
يعطيج الف الف عافيه ياام ابرار خوووش صالون ذكري الايااام رحت له امس اول شي قعدت احوس ادور مانجو مالقيته(وين عنوانه) قلت ماكو الا صالون ذكري دخلت شفت ثنتين مخلصين مكياج وكان حلو ووحده داخل تبلش فيها علي اخر شي خالصه بس اللي داخل احلي يمكن علشان الشدو كان اخضر مطلعها احلي دخلت جذي لا احم ولا دستور درعمت عليها بدون حجز قالت حاجزه؟ قلت لا بس امدحوج بالنت وجيت استانست قالت شنو تبين مكياج وشعر قلت ايه قلت بكم قالت7؟ انا ماصدقت!! قالت بس تنطرين فيثنتين بعد هذي وفي وحده تجي عالخمس!! عاد انا اكره شي اسمه انتظار عقدتي قلت يعني انطر جم؟؟قالت ساعه قلت ساعه اوكي مو مشكله انطر قالت خلاص بلشي الحين شعرج ووالله عاد اني مانطرت ساعه 10دقايق وخلص شعري نادوني لان البنات الثنتين وحده كانت تسوي شعرها ويفي والثانيه داخل عندها المهم قامت دينا تحط لي الاساس وكانت حبوبه بس قلت لها ابي حواجب جاينز ام كسره مو الطايره قالت يعني عجينه بس جذيه زياده3دنانير قلت مو مشكله يعني مكياجي كامل كريم جسم وشعرب10والله بلاش وحلو ليش نروح للغاليين كنت ما اسوي الا عند حنان دشتي ونورا السيد وايمان السيد ومس اوبرا شنو يعني يفرقون عنها؟؟ ولا شي ياحلو الرخص ولما رحت الحفله الكل يسألني كان حلو حيييل بس نسيت اخذ الرقم كنت باخذه علشان بعدين لابغيت احجز ام ابرار مشكوووره ماقصرتي يامال العافيه
حياج بعد قلبي وانا ماا مدحتها الاا لاني مجربتها رقمها :99432397 اما صالون مانجو قو بعد جدام قبل ذكرى جنج رايحه فندق شفير تلقينه عاليمين قبل الاشارة
بنات اشلونكم عندى عرس يوم الاربعاء وياريت اذا احد امجرب مكياج ليلى هارمونى اللى بالفنطاس اخاف احجز عندهم واتوهق فياريت اللى جرب يقول تجربته
