لا يطوفكم شوفوا صبغ غرفة بناتي هذا صبغ غرفة بناتي شفته بالنت وجبت صباغ ورسام وطلع احلى من الصوره اشرايكم ؟ واذا عجبتكم راح احط لكم صور ثانيه و شنو حطيت ورا سرايرهم
مشكورين يا بنات عالتعليق والدعوه الحلوه الله يجزاكم خير صج اتبردون الجبد فديتكم والله تستاهلون لعيونكم بحطلكم الصور الحلوه كلها
هذي الخلفيه حطيتها ورا سرايرهم وكل وحده كتبت عليها اسمها بالاحرف الانجليزيه بدل كلمة برنسس اللي بالصوره
هذا الصبغ ما سويته عجبني حييل كان ودي اسويه بس غيرت رايي بآخر لحظه حطيته لكم على شان تستفيدون منه هذا يكون طوفه وحده بس كاروهات وباقي الغرفه كلها لون واحد بس يا اخضر تفاحي فاتح او وردي فاتح اشرايكم مو ذوق؟ واذا غرفة ولد اتغيرين الالوان وتطلع حلوه بعد هم يتبع....
هذي الغرفه حلوه وبسيطه تصبغين نص الغرفه اللي تحت وردي فاتح والنص اللي فوق مع السقف تخلينه بنفسجي وترسمين بينهم شريطه مموجه لونها ازرق فااااتح او ابيض ولما تنشف ترسمين فوق الشريطه ورود بعيده عن بعض وترسمين نقط او فقاعات باللون البيض والبنفسجي تنثرينه على الطوفه من تحت اللي لونها وردي يتبع
هذي فكره ثانيه اتمنى تعجبكم تصبغين غرفة البنت كلها وردي فاتح ما عدا طوفه وحده لونها وردي غامج وتخلين الرسام يرسم عليها هذي الرسمه وهذي ر اح اتكون النتيجه
