حبيت انوه لشيء مهم البنات اللي يطلبون الكاتلوج ,, علشان القى فيما بعد الرد منهم ( ماشاء الله رووووعة أو حلوين واااااايد ) ويكون الرد فقط بهذا التعليق بدون الطلب!!!!! حبيت اقول يااخواتي انا مو فاضية اضيع وقتي وارسل واتواصل معاج علشان دردشات وتعليقات وقتي مزحووم جداااااااا .. وهذا مضيعة لوقتي اللي جادة تبي تطلب وشافت ان البضاعة روووعة تطلب والا لاتعطلني وتضيع وقتي ووقتها ثانيا : للتاجرات اللي يدخلون على الخاص بمعرفات أخرى ليلقوا نظرة على البضاعة وهل هي مثل بضاعتهم أقول : ادخلي من الباب ,, وعرفي عن نفسك على انج تاجرة مو على أساس انج زبونة تشتري ,, ثم يكون الرد تعليق بسيط وبضاعتج حلوة ,, او تعرضين علي طلبها بالجملة بعد ذلك من البداية عرفي بنفسك ,, وادخلي بمعرف التاجرة !! وتذكري قول الرسول صلى الله عليه وسلم (( ولا تبع على بيع أخيك .... )) وللرجال اللي يتواصلون على الخاص اقول ,, انا لا اتعامل مع الرجال البتة !!! ولا يمكن ان اسمح بأن تلقي نظرة على قمصان نوم نسائية ,, فوفر عليك وقتك ووقتي ايضا واتق الله دمتم
حبيباتي ,, حبيت اعرض لكم هني طريقة تحميل الملف لأن بعض البنات ماعرفوا شلون ورجعوا يستفسرون الشيء اللي يخليني اشرح لكل وحدة على حدة بالخاص على أن فيه بنات من أول مادزيته لهم من الشهر اللي طاف اتبعوا التعليمات وفتح معاهم وشافوه وطلبوا هو يجي على هيئة ملف مضغوط طبعا ,, اول ماتنزلينه تفكين الضغط راح يطلع لج الكاتلوج على هيئة بور بوينت شو تصفحيه براحتج الطريقة لما تدخلين على الصفحة ,, روحي تحت ,, آخر شي ,, راح تلقين مكتوب عندج Save file to your PC: click here مثل الصورة الموضحة اضغطي على كليك هيير اللي بالازرق ,, بتطلع لج نافذة تنزيل ,, اضغطي حفظ او اوبن ( فتح ) اللي يريحج بالتوفيق
