طلبت بنات الكويت ابى اعرف اماكن التسوق فى سنغافورة وماليزيا وتايلند وشنو المميز للشراء فى كل دولة ضرورى سفرى غى اول يوليو يارب ترزق كل من ترد على بالسعادة وراحة البال والغنى والستر فى الدنيا والاخرة:rose::rose::rose::rose::rose:
عزيزتي لاتنسين تشترين اللبس الماليزي على شكل كيمونو...مرة حلو وتحسفت اني ماشريته.. قيمته كانت تقريبا 280 ريال سعودي.. ربي يوفقك ويسهل امورك...
مشكورين وماقصرتوا بس مافى ولا احد زودنى بأى معلومة اشدعوة ولا وحدة راحت لسنغافورة وتايلند وماليزيا على العموم مشكور يالشامسى والله الحافظ:sad_smile:
اولا حبيبتي تايلند وين بتروحين فيها بالضبط ثانيا عن ماليزيا اول مايقعد زوجي اسأله اهو كان يروح ماليزيا بس سنغافورة ما انصحج فيها لانها وااااااااااايد دولة نظام اي شي اتسوينه مخالفه على طول حدهم ملتزمين بالقانون
مرحبا اختي عندج في بانكوك شارع العرب وهو قريب من المستشفي الامريكي وانصحج بمحل فريدة علي عندها كل شئ تقليد بس نخب اول ,,,, وانا رحت سنغافورة وماليزيا من 6 شهور وعندج في سنغافورة المراكز الموجودة في شارع اور شيد بس ماانصحج بالتسوق فيها وحلاة التسوق في ماليزيا وهي معروفة بالماركات العالمية وارخص عن اوربا والمراكز بعد كلها في شارع قريب من افندق ماريوت والمطاعم العربية
بماليزيا سوق سوقو فيه ملابس اطفال حلوه وفيه اشياء وايد للنساء وسوق تابم سكوير ومجمع سوريا بالتوأمين .. اذا ركبتي مع التاكسي قولي روح شارع العرب واذا ما عرفه قولي شارع بوكت بينتانق كله سوقه ومقاهي طبعا هذا بكوالالمبور
شكرا لكم جميعا ها انا قد عدت واقول ان سنغافورة هى اروع بلد اسيوى وبخاصة تنزيلاتها النظام عجيب بلد قمة فى النظافة انصحكم تروحولها بس كافى عليها 5 ايام وماليزيا ياحلات التسوق فيها ومطاعمها العربية كثيرة بعكس سنغافورة وتايلند ياعينى على التسوق كل ما تحتاجه الاسرة تحت سقف واحد بس تبقى سنغافورة هى الاجمل راحة استجمام مناظر روعة جو جميل مطر فى كل وقت بصراحة قمة الدول الشرق اسوية
هلا والله انا رحت تايلند وماليزيا بس ماجربت سنغافورة .. عندج تايلند اسواق بانكوك حلوة .. سوق الليل وفي مجمع ام بي كي وطوكيو سنتر .. وايد حلوييين اما في بوكيت فعندج السوق اللي صاير في ال patong عنده كل شي والاسعار فاااصلي لنص السعر وسوي نفسج زعلانة وبتمشين لووووول بتلاقينهم يلحقونج عشان تاخذين البظاعة اللي تبينها ... اما ماليزيا ما عجبتني حيل .. شعبها نفسيته خايسة بس سوقهم حلوووو .. china town بظايع تقليد وجناط وكل شي .. مجمعاتهم وايدة وحلوة .. عندج مجمع سن واي بايراميد ... سوريا اللي صاير عند البرجين التوأم .. ماينز .. هذيلة حدهم حلوين .. وموفقة حياتي
انا صراحه رحت تايلند شهر 4 وصراحه ما عجبتني الجناط عندهم صناعتها اي شي واسعارهم غاليه مو رخيصه اذا بتروحين سياحه ممكن تستانسين
