السلام عليكم يا جماعه شلونكم ؟ شخباركم ؟ شمسوين و الصيفي عقب باجر انا بدش بالموضوع بدون لف و دوران اكو شي خطير صاير بالكويت و لازم تنبهون اهلكم و ربعكم و اللي تعرفونهم اخوي جراح تجميل و كل يوم ايي و يقولنا مصيبه من المصايب اللي يشوفها بالدوام تنبيه للبنات : اكو فلبينيه تقول انها ممرضه و رقمها منتشر بين البنات و الحريم هذي الفلبينيه مسويه بلاوي بخلق الله كله تقول انها تقدر تسوي تكبير و تفخ و نفخ بدون عمليه و رخيص و دايما اللي تسويلهم يطيحون بالمستشفى من الالتهابات وحده يايتلهم خدها متفوخ و صايره كتله يابسه بخدها فحصوها و الا خدها ملتهب و لمن حللوا الماده اللي حاقنتها فيها انصدموا لا كولاجين و لا سيليكون تدرون شنو طلعت ؟ زيت خروع تخيلوا بس الوضع و وحده ثانيه يايه ايدها ملتهبه هم جذي حاقنتها بماده غريبه بايدها ما يدرون شنو اهي غير ان الابر مو معقمه و تسوي بالبيت بس اخر سالفه اهي اللي خلتني اكتب الموضوع لان قلبي عورني و حيل ضاق خلقي هالسالفه يمكن قبل اسبوع او اكثر شوي وحده امها يابتها المستشفى ترجف و حرارتها مرتفعه و حالتها حاله لمن فحصوها و الا نفس الفلبينيه مشتغله عليها حاقنتها بكولاجين حيواني و هالماده ما تتحلل كلش و تصير مثل كتله يابسه و يبيلها 24 شهر عشان تضعف مو تتحلل و البنيه صغيره بالعشرينات و شهادتها عاليه تخيلوا سنتين ترجف و بالفراش ما تقدر تتحرك و حرارتها مرتفعه اصلا فيه احتمال كبير انها تتوكل لان صعب احد يظل سنتين حرارته مرتفعه و يرجف و اللي ما يعرف عن الحقن تره لمن احد يحقنونه بماده للتكبير صعب يسحبون الماده لانها تدش بين الاورده و الشرايين و تنتشر صعب يسحبونها هذا اذا مو مستحيل خاصه اذا كانت الماده يابسه تنبيه للشباب : هذي سالفه للشباب هم ضيقة خلقي واحد ياي المستشفى يقول ان ايده تعوره كلما يشيل اثقال اثاري مستخدم الابر اللي تكبر العضلات هذي الابره تكبر العضلات و يطقونها بالعضله منتشره حيل بين الشباب هذا الاخ يستخدم الابره و يشيل اثقال بروحه شيل الاثقال يكبر العضلات و الابره تكبر زياده لمن فحصوه و الا صاير فيه التهاب بعضلات ايده بسبب هالابره و المعروف ان اذا شي دش العضلات ما يطلع و هالماده داشه بعضلاته و مسويه التهاب الصبي عمره اقل من 25 و الحل الوحيد ان يشيلون عضلة ايده يعني يصير مشلول تخيلوا واحد اصغر من 25 و ما يقدر يحرك ايدينه الثنتين مو حرام !!!!! ديروا بالكم يا شباب و يا بنات اذا تبون شي تره المستشفيات موجوده و ببلاش ماله داعي احد يسوي بروحه جذي بس عشان الرخص و اذا على العضلات تره الرياضه تسوي شغل ماله داعي ابره و حاله عشان عضلات تقدرون تحصلونها بالرياضه و ماكو اثار جانبيه تنبيه عام : ديروا بالكم من الصالونات و هالحجي للشباب و البنات خل اقولكم سالفة اكو واحد كان طالعله جيس شعر و كان يروح الصالون يشيلونه حقه يروح و يشيلونه و يرد يطلع و جذي يابوه المستشفى لان كان تعبان لمن فحصوه و الا فيه التهابات داخليه و الريال رايح و بسرعه عطاكم عمره لان اللي بالصالون كانوا يشيلون جيس الشعر بطريقة غلط و هالطريقه اخوي يقول ان مكتوب بكتب الطب لا تستخدمونها لان تزيد الالتهاب و قبل جم يوم يايتله وحده اكو جيس شعر بايدها و ملتهبه قالها تعالي اهني احنا نشيله حقج لان اللي بالصالون قاعده تشيله غلط جان تضحك و تقوله عطني دوا حق الالتهاب الحين دكتور دارس 7 سنين و حالته حاله و غير سنين التخصص تهدينه و تروحين حق فلبينيه مادري هنديه ما عندها شهاده بالنهايه اقول يا بنات اذا تبون خدود تره يمدحون محطة البانزين اكو شي هناك يتفخ الخدود و يخليها من احسن ما يكون و تصيرون جذي نبهوا اهلكم و ربعكم و اللي تعرفونهم و تره الفلبينيه مو قادرين يصيدونها و يدورونها من زمان اللي يطيح عليها خل يربطها ملاحظه : تره صج اخوي اللي قايلي و الموضوع مو منقول و حصريا بمنتدى الهندسه منقوووول من منتدى طلبة وطالبات كلية الهندسه والبترول
اي هذه الفلبينيه مسويه حق رفيجتي تاتو شفايف بس عادي البنت مافيهااا شي بس بلحظتهااا تبجي ودم مادري شنو اللي حادها على هالخرابيط"""
شكرا عالتنبيه والله يستر من هالهبّه اللي طايحين فيها .... حقن وكولاجين وابر تفخ ... والله خلقة الله ماكو ازين منها (وخلقنا الانسان في احسن تقويم) يعطيج الف عافيه بس اشعندج يوم 21/10/2009 عرسج....؟؟ اذا عرسج الف مبروك ولا تتفخين ..ولا تحقنين
هلا حبيبتي اي عرسي الله يبارك فيج والعفوو حبيبتي بس الكولاجين ما يضر عادي بس ابر التفخ تخوف ممكن تجي ع العروق وتشوه الوجه الله يكافينا الشر وابي اظل مثل ما انا :shades_smile: مثل ما قلتي لا حقن ولا تفخ
الله يكافينا شرهم يارب وخواتي اللي تبي عمليات وتفخ وبط وغيره تروح لطبيب معروف وعنده خبرة لان اغلب دكاترتنا لج عليهم تجار مو دكاترة يعني سألي بالأول وبعدها قرري واللي تلاقي هالفلبينية تربطها وتغزها إبرة كولاجين من اللي وياها
الله يجزاك خير كل ما اسمع هالسوالف ( نفخ وتكبير وخدود وشفايف ) أتذكر قول الله تعالى (( ولقد خلقنا الإنسان في أحسن تقويم ) الحمد لله على كل حال
يحلات الشي الطبيعي اساسا لا تفخت الوحده يبين انها مصنعه يعني منظرها غلط وبعدين شلون تسلم نفسها لفلبنيه تعبث فيها في بنات صج صج موصاحيات
