تكفون حبوبات ابي منكم مساعده عندي مناسبه وباديه بتخفيف اكل بس للاسف شعري خفيف بالحيييييييييييييل تصدقون بنات كل مارحت صالون اتضايق كل مايت وحده تستشور شعري قالت ليش انتي شعر وااجد خفيف :1: لدرجه بنات لما المه فوق تبين جلده راسي:cry_smile: ودي ابدا بحبوب قاطع الشهيه وخايفه تطيح الشعرتين الباجيات شرايكم ؟ ابي منكم مساعده شنو احسن فيتامين للشعر يطول ويكثر وهم ياليته يكون زين للبشره ابي اللي جربت فيتامين ولاسمنت عليه تقولي عفيه والله لادعيلها في صلاتي باللي تطلبه لاني بنات ماودي اركب بريستيج لانه حرام وهم بستشيركم في فيتامين نصحني فيه الصيدلي اسمه بيوتين 300 يقول انه للشعر ومايسمن انتم شرايكم ؟
والله يالغاليه ياليت عندي شي أقدر أسويه لك أقسم بالله ودي أساعدك بس من طريقه بحثي في النت والله مالقيت إلا أحسن شي للشعر الحنه مع شويه سدر وتدهنين شعرك بزيت السمسم وغسليه في شامبو ميتال والله أكثر الناس تمدحه تلقينه عند العطار واتصدقي وكثري استغفار بنيه أن شعرك يكثر والله كريم
هلا أختي بالنسبة لافضل حبوب للشعر ماعندي خبرة فيها وعليج بزيت السمسم مع الزنجبيل في لي موضوع بالمقادير للخلطة بالقسم ومثل ما قالت اختي ام قبوله تصدقي بنية علاج شعرج
ام قبوله ماقصرتي يالغلا والله يسعد قلبك ياروحي بس احس مايكفي يبيلي فيتامينات بس اخاف اتسمن عشان جذيه سالت يمكن احد يقدر يفيدني
ام عبدالله ان شاء الله باخذ بنصيحيتج ونصيحه ام قبوله صراحه ماطرا علي بالي اتصدق عشان شعري افدتوني الله ينور دربك وينولك كل ماتتمنيني ياعمري
السلام عليج اختي شهرزاد انصحج بفيتامين اسمها بيرفكتيل موجودة في كل الصيدليات احسن نوع فيتامين جربته وميزته انه لشعر والاظافر والجلد والله اني مجربتة ومايسمن لاني اخذه مع الرجيم وصدقيني بعد شهر تشوفين شعرج واظافرج شلون تطول لاتنسيني بدعوة حلوة وعلميني بالنتايج
بالنسبة للرجيم عاااادي بس بشرط كثري كثري كثري من البقدونس والجرجير مفيدات جدا جدا للشعر والبشره حيل يمدحونهم ولايسمنون أبد أبد ومشطي شعرج قبل النوم قريتها بالمنتديات علشان الدوره الدمويه تحرك وتنشط واهتمي بتزييت شعرج كل يومين ثلاثه مع المداومه تشوفين نتيجة وجربي شامبو سلفكرين بزيت الزيتون والصبار يخلي الشعر كثيف وسميك والله عن تجربة...... لاتنسينيمن صالح دعائك
انا كنت نفسج واستخدمت حبوب زيت كبد سمك القد واتحصلينه بالصيدليات وبصرااحه خف التساقط تقريبا بدرجه كبيره وطال شعري منه بشكل ملحووظ بس ترى النتيجه يبيلها صبر لأني استخدمته لمدة 4 أشهر حبه كل يوم وهم بعد اهتميت فيه بالزيووت والحنه ولاتحاتين الحبووب ماتمتن ولا شي الله يوفقج يااارب ويرجعلج شعرج مثل قبل وأحسن
انصحج اختي بقناع الشعر سدر مع اكليل الجبل مع محلب وتحطين م زيت خروع اصلي وماي مطبوخ فيه بصلة وثومتين وتعجنين الخلطة بهالماي وايد تنفع مع المداومة الله يكثر شعرج انشاالله
السلام عليكم ورحمة الله وبركاته والله اني حاسة فيج كان اتكلمين عني وازيدج بعد انا شعرتين وملمسهم كانه محترق المهم جربت اشكال وارناق من الزيوت وخلطات الحنة والحبوب والانبولات يعني بالعربي ما خليت شي المهم ما اقولج شعري تحسن مية بالمية لان صارلي اربع اشهر بادية بالطريقة اللي بقولج اياها الحين بس انتي طولي بالج علي ...لاني راح اطول شوي حياتي الطريقة انج تاخذين حبوب فيتامينات وانصحج بحبوب فيفيسكال غالين شوي بس ميخالف اذا ما تقدرين على سعرهم اخذي حبوب هير فيت مع الاستمرار بخلطات الحنة يعني الزامي مرتين الى ثلاث مرات بالاسبوع وع خلطة زيت نفس الشي المهم لا تقولين جربت وجربت مثل ما قتلج انا مثلج بالضبط اهم شي انج تستمرين على طريقتج وخلطاتج وحبوبج ما اتغيرينهم يعني مو كل ثلاث اشهر اتغيرين اتمنى انج فهمتيني واسفة ع الطوالة بفضل الله طحت على خبيرة اعشاب كانت بمعرض وافحصت فروت راسي وقالتلي ديري بالج تستخدمين زيت بروحة لان طبيعة الشعرة عندي حوالينها زيت عطتني مثل كريم للشعر احطة مع الزيت اللي استخدمهة حيل استفت منها الله يجزاها كل خير .........وسامحيني ع الطوالة
اختى اخذي كريم الشعر طبيب الشعر وتلقينه عند العطارين والله العظيم روعه روعه روعه . الكريم اول ماتحطينه يعطيج كثافه بالشعر على طوووووووووووووول ومع الوقت بتلاحظين شعرج يطول ويكثف باذن الواحد الاحد . والفيتامينات متروسه الصيدليات منهم انت اخذي اللي فيهم الزنك عاااااااااااااااااااااااالي ..... يارب يارب يضعفج ويكثف شعرج.....اجمعين ان شالله
هلا حبيبتي جربي محلول سبريه بالصيدلية اسمه مينوكيسيديل2% ينبت الشعر عجييييييييييييييييييب مع حبوب بيرفيكتيل
