السلام عليكم بنات في وحدة معانا بالمنتدى ... ماني قايله اسمها الله يسامحها طلبت مني طلبية وطبعا مثل ما عودتكم أتعامل مع زبوناتي بالثقة يعني اللي ادق تطلب .. ما آخذ منها عربون أثق بكلامها .. و أسوي طلباتها .. و أبلغها ان الطلب خلص و اهيه تختار اذا تبي مندوب يوصلها .. أو تستلم بروحها و هذي الزبونه ... وثقت فيها .. و قالت أنا أستلمهم .. فماكان له داعي آخذ عنوانها و خلصت طلبيتها صارلي الحين عشر أيام و قاعدة تتهرب مني أول يومين بجم عذر و الحين ما اترد علي موليه الله يسامحها ... بس يعني ودي أعرق اللي مو جاده بطلبها ليش تطلب من البداية
هيه يااااااااااااا اختي الله يعين بس يااااااااااااااااما صارت لي متل هالمواقف بس الحمدلله على كل حال .. الله يعوض عليك ويفتح لك ابواب الرزق
لازم قبل تشتغلين باي طلبيه تاخذين نص السعر وتاخذين عنوانها ورقم تلفونها ,,, الاحتياط واجب والله يعوضج
شكرا خواتي الله يهديها اهوه على طلبها مو مشكله الحمد الله في وايد زبونات يبون مثل طلبها و زود يعني أقدر أصرفه .. ماني خسرانه شي بس سالفة انها تتهرب مني .. مو حلوة قوليلي أنا مابي الأغراض .. مو اتعلقيني جذي
الله يهديها إن شاء الله .. ويعوضك خير .. و سبحان الله يمكن درس علشان تنتبهين مرة ثانية .. الناس مو سواء .. موفقة ..
اي والله يا اختي مثل هذي الفئه المفروض تقولين اسمها على اساس ما يتعاملون معاها اخواتي التاجرات انا ابي اعرف فعلا يعني انتي مو قد الثقه ليش تطلبين وتخلين البنت تتعب وتسوي واخر شي تكنسلين ليش مو من البدايه الله يعينج يااختي واجرج عند رب العالمين
أول اختي الماسة 82 الله يعطيييج العافيه على الشغل الحلو والمرتب والراقي وعساج على القوة ثاني شي الله يعوضج وأصابع ايدج مو سوى حبيبتي
الله يعوض عليج يارب والعجيب في الموضوع دايم اللي تتهرب بعد وصول الطلبيه تكون لحوحه وكل يوم مسج وتكفين مستعجلة ومن هالكلام؟؟؟ ووحده حلفت بالله انها ماتطنشني تخيلي ؟؟ وبالاخير وينها؟ طنشت واذا جا الجد معاد ترد عليج؟ سبحان الله الدنيا عجايب
