ليش الرياييل عيونهم زايغه واللي يبط الجبد ان مرات يخزون اي وحده حتى لو كانت نعال وانتوا بكرامه وزوجته ملكة جمال بعرف لييييش
اكثرهم لقااااافة ولا فى اى تربية واحترام ؟ المشكلة ما يقول مثلى اختى او بنت عمى الريال ما يعجبة العجب حتى لو كنتى ملكة جمال الكون انتى شوفى الشياب اللى يكون اكبر من ابوى شنو يسووون ههههههه كل واحد تقولين لمبة خط السريع مبطلها 24 ساعة لوووووووووووووول
لان الريايل مثل ما قالت اختي بنوتة ما يعجبهم العجب يحبون يجربون اشياء يديدة ومايملى عينهم شي ابدا وبعدين الريال إذا ما زاغت عينه ما يكون بخير خخخخخخخ اكيد بيمرض ويمكن يموووت خخخخ والله حاله مشكورة حبيبتي عالموضوع
الله كريم في رياييل ما يترس عينهم الا التراب وفي بنااات يخلوون الرياال غصبن عنه يطاالع بس اللي يخااف ربه ويدري انه له بس النظره الاولى ما يسوي هالشيء
صح كلامكم انزين عكسو الموضوع لييييش البنات لمن يشوفون وحده مع ريلها ياكلونه بعيونهم ؟؟؟؟؟؟؟؟ يعني يحلى بعينهم لمن تكون معاه وحده والله انا اقول المره والريال اثنينهم ما يملي عينهم شي والاثنين فيهم فضول ويطالعون
انا ملاحظه ان البنات ينهبلون اينون اذا خلو الريال مع مرته بحالهم مره والله سمعت وحده باذنى تقول كنت انا وريلى انتمشى وفى بعد مره وريله يتمشون بس احنا كنا ورا البنات ماشافونه ولا تقوووول شرااايج نجيب راسه جدام مرته خنشوف شيصير فيها شنو احتريت الا بطت جبدى بس شتسوين الزمن صااار جذى ...
الرجال بطبيعته لازم يخز تعترضين على تركيبتهم هذا مايمنع ان فيه رجال بخزون اكثر من غيرهم يتفاوت هالشييي
اللى تسوى جذى انا اعتبرها مريضة ومغرورة وتحب تخرب بيوت بعض البنات يغارون من المتزوجة من ناحية تكون ماشية مع زوجها او ماسكة ايدة او تضحك مع زوجها هنى البنت تغار ويكون تفكيرها ودها تخرب العلاقة بينهم بس علشان خراب البيت والمشاكل انا قلت بعض البنات مو الكل علشان ما اظلم كل البنات
والله الحين بزمنا هذا مو الريال اللي يخز البنت اللي اتحط عينها بعينه وما تنزل عينها الا لمن تكسر عينه سواء متزوج او عزوبي والريال نقطة ضعفه المرأه فعشان جذي اذا شاف بنت اتخزه لا شعوريا راح يطالعها واذا خز بنت ما اتطالعه ولا معطيته اهميه راح ينزل عينه وبعدها يطالع اللي قاعده يمه لانها الوحيده اللي اذا طالعها بأي حزه تطالعه غير عن البنات اللي بره ع المزاااج اذا عجبهم خزووه
