شوفي حبيبتي بقولج تجربتي مع النوادي اشتركت لمدة سنة كاملة نزل وزني بس مو اللي أبيه كنت أخربط بالأكل وأقول باجر أحرقه بالرياضه بس صراحة صار فيني لياقة عجيبه الكريه في النادي اذا صار زين الززززززحمة تكرهين نفسج بساستفدت وااااايد من المشي في الممشى انصحج بالمشي راح اتحسين بالفرق اذا كان عندج أماكن ما تضعف سوي رياضه
انا جربت نادي رمادا الرقعي صح مو راقي نفسهم بس رخييييييييص ب 30 الشهر انا انحديت عليه عشان موقعه قريب من البيت وزحححححمه بالصيف عالاجهزه لنها اشويه وساعات تنطرين بالدور واختي جربت فلكس راااااقي وحلو ونظيف واجهزته متطوره بس غالي
السلام عليكم حبايبي... بالنسبه لي انا من سكان الجهراء... يعني جهراويه ولي الفخر... احم احم ...&&& و صراحة انا جربت نادي ((البشاير )) حلوووووووووو حيييييييييل ويشجع صج.... بس بالنظافه لج عليه شوي لانه صراحة قديم حيل بس اوف الزباين يونسون لا زحمة ولا شوية يعني زين... واسعارهم حلوه الشهر ب 35 والشهرين ب 60 والثلاث شهور ب 80 والست شهور اعتقد ب120 والسنه ب200 هذا طبعا يشمل السويدي + اللعب بجميع الاجهزة وصراحة المدربات قمة بالروعة وخصوصا المدربة نووووووور عسل.... والصالة كبيرة وحلوه ومو محكورة وصغيرة وواجد بنات اضعفوا حيل... وانا بعد ضعفت حيل حتى بعد لما تركته قعدت 3 شهور اضعف ابسبته.. مع اني ما التزم بالرجيم نهائيا وترا اكلي مو واجد بس تدرون متن من الاكل اللي مو صحي وهذي اكبر مشكلة... وبالنسبه للدوام ايام الاسبوع الا الجمعة اجازة... وباليوم 3 حصص سويدي الساعة 9 الصبح و3 العصر و6 المغرب يعني مالج اي حجه بالوقت اللي على راحتج تنوعين والا بعد تحضرينهم كلهم ان شاء الله براحتج.. والاجهزة طول اليوم... ولا>>> للمشتركات كل اسبوع جلسة تدليك مجانا لمدة ساعة وناااااااسه + حمام البخار يومي متى مابغيتي... يعني يونس وقريب للجهراويات حيل.. ومكانه بنص الجهراء ماكو >>>خمس دقايق وانتي واصلته... ولافيه بنات يجونه من مناطق ثانية بعد من نتايجه الحلوه... وصراحة يعجبني حييييييل مع انه فيه نادين بعد.... الاول اهو (( البيادر)) نظيف وراقي بس صغير ومايشجع لقلة الزباين فيه وكل اللي اشتركوا فيه حولوا (( للبشاير)) و اما بالنسبة للثاني اهو ((فلكس)) واهو غني عن التعريف طبعا بس غالي صراحة... وانا نزلت بنادي (( البشاير)) 16 كيلو بشهرين بس... مشكلتي اقطع... ((( وللاسف بعد >>>>>> زوجي مايبيني اضعف كلش.. يزعل لي اشتركت فيه...))) >>>> بس تدرون العروووووس اذبحتنااااا ههههههه ادري اني طولتها عليكم هههههههه بس والله احبكم اتمنى اني افدتكم لو بشي قليل ودمتم بود... تحياتي
ما إلكم إلا لمشي يا بنات لا خرابيط ..ودفع فلوس بفلوس النادي أشتري جهاز مشي وحطي عندج بالدار أو بالصاله لأني صج جربت نادي بس ...تحسفت على الأيام اللي رحتها أو الغالي للغالي صج دلع وإحترام ومعامله ذوق لا تروحون للرخيص أبد أبد أبد
السلام عليكم جميعا ومبارك عليكم الشهر وبصراحة الظاهر ان كل بنات الكويت محتاجين نوادي وانا منهم اتمنى من اللي جربت نادي نظيف تكتب عنه لاني بحاجه للسباحة حسب تعليمات الطبيب ويكون جريب من مدينة سعد العبدالله وجزيتم خيرا وكفيتم شرا .............................
بنات في خوش نادي اسمه فلكس حلو ونادي لايغني عن التعريف اسمه شارمل حده كشخه بس غالي اشتراكه القديم 150 والنادي اليديد200 واحلا شي ان بعد ماتطلعين من حمام السباحه يسشورولج شعرج ويبون ملابسج من المصبغه شغل عدل الله يوفقكم:teeth_smile:
فندق كاون بلازا - الفروانيه السبا - غالي ونظامه سنوي بس الحين مسوين عروض روعه يتني دعوه تجربة الحمام سباحه مالهم وان شاء الله بسجل فيه ال6 اشهر ب390 دينار ولج 100 دينار ممكن تسوين اي علاج تبينه حتي الصالون وتدخلين السحب علي سيارة اودي
نادي كازبلانكا بالمنقف،، روووعة وادارة محترمة ومدربات يتابعونج وعندهم حمام سباحة والحين مسويين عرض لآخر شهر 12.. شهرين بـ 50 دينار و3 أشهر بـ 70............
السلام عليكم عن نفسي ولا مره مسجله بنادي لان جسمي حلو ومابي اضعف بس انا هالفتره محتاجه نادي لاني ابي أقوي عضلات ظهري وايد ضعيفه قعدت ادور على شي قريب صوب المنطقه العاشره وسعره مناسب وزين ومبدئيا استقريت على pilates and more عندهم فرعين واحد بالسالميه والثاني بالمهبوله قبل كان فرعهم اللي بالسالميه بس فيه حمام سباحه بس اليوم لما دقيت عليهم قالولي انهم بطلوا حمام سباحه بفرع المهبوله وهذا اللي شجعني اكثر يعني كل شي صار متوفر فيه كلاسات يوجا وايروبكس ورقص شرقي وهيب هوب ووايد اشياء اهما باجر بيدقون علي وانا بروح اشوف المكان اذا عجبني وارتحتله راح اتوكل على الله واسجل فيه خصوصا انهم مسويين عرض حق اخر السنه بشوف شيصير معاي وأوافيكم بالتفاصيل مراسلتكم من المنطقه العاشره توشوو :wink_smile: لمزيد من التفاصيل هذا موقعهم www.pilatesandmoreq8.com
أنا جربت نادي الهلال بالصليبيخات واااايد حلو وفيه كل شي سباحه وتقريبا كل الأجهزه وايروبيكس وجاكوزي وسونا وبخار وحوضين سباحه للأطفال وللكبار بس أسلامي ومافيه رقص شرقي وهيب هوب وهالسوالف والشهر 35 دينار وكانو مسوين عرض 3 أشهر بـ50 مادري أذا العرض خلص أو لا..؟ وناويه أنشاءالله أدش فلكس الكل يمدحه وأذا مسوين عرض بدون تفكير راح أسجل فيه وأدعولي أوصل لـ65
