السلام عليكم بنات اليوم وانا افرفر بالمنتديات النسائية لقيت منتدى خاص للخطابات! يوم دخلت ولا وحده كاتبه انها تزوج البنات اللي طافهم قطار الزواج او انشغلوا بشغلهم ويبون مسيار وعيال بالحلال ... بصراحه اشوف ان ماله داعي يعني الوحده اذا تبي تتزوج تتزوج واذا ماتبي تتحمل مسؤولية لا تتزوج وصج ماله داعي هاللعب :frown: وانتوا شرايكم بالموضوع لان هالايام منتشر بكثره
السلام عليكم صح ان هذي السوالف مو بعمري بس ما حبيت اطلع وما أرد عليش بصرااااااحه أنا مو مؤيده لزواج المسيار كلشششش ويعطيش العافيه تقبلي مروري
هلا أختي أم البنين زواج متعة ، زواج مسفار ، زواج مسيار ، زواج عرفي = كل تلك الزواجات طرق متعددة لوجه واحد وهو : زنـــــــــــــــــــــــــا هذا من وجهة نظري
الله اعلم لكن يفضل الابتعاد عن الشبهات كما وصانا سيدنا محمد (عليه افضل الصلاة والتسليم) وإذا شاكين في امر نبتعد عنه حتى إذا سمعنا فتوى غريبة، الأفضل هو اختيار الأمر المشرع والمعروف في الكتاب والسنة شكرا عالموضوع
أم عبد الله عدل كلامج بس الجزئية اللي ماني فاهمتها زواج المسيار من داخلي احس انه غلط بس ما اقدر افتي ... مشكوره على مرورج العطر رشا فعلا الاحوط ان نبتعد عن الامور هذي بس انا سمعت ان زواج المسيار كان حرام وبعض المشايخ حللوه للسفر ما اقول الا الله يعينا على زمن الفتن ... يعطيج الف عافيه
هذا الموقع فيه تفصيل عن الزواج وراي الفقهاء على وجهين منهم قالوا بالاباحه مع الكراهية ومنهم قالوا بعدم الاباحه آراء العلماء في زواج المسيار
